Sri Shani Vajra Panjara Kavacham - శ్రీ శని వజ్ర పంజర కవచం

 Sri Shani Vajra Panjara Kavacham - శ్రీ శని వజ్ర పంజర కవచం

Sri Shani Vajra Panjara Kavacham - శ్రీ శని వజ్ర పంజర కవచం

ఓం అస్య శ్రీశనైశ్చరవజ్రపంజర కవచస్య కశ్యప ఋషిః అనుష్టుప్ ఛందః శ్రీ శనైశ్చర దేవతా శ్రీశనైశ్చర ప్రీత్యర్థే జపే వినియోగః |

ధ్యానం |

నీలాంబరో నీలవపుః కిరీటీ

గృధ్రస్థితస్త్రాసకరో ధనుష్మాన్ |

చతుర్భుజః సూర్యసుతః ప్రసన్నః

సదా మమ స్యాద్వరదః ప్రశాంతః ||

బ్రహ్మా ఉవాచ |

శృణుధ్వం ఋషయః సర్వే శనిపీడాహరం మహత్ |

కవచం శనిరాజస్య సౌరేరిదమనుత్తమమ్ ||

కవచం దేవతావాసం వజ్రపంజరసంజ్ఞకమ్ |

శనైశ్చర ప్రీతికరం సర్వసౌభాగ్యదాయకమ్ ||

కవచం

ఓం శ్రీశనైశ్చరః పాతు భాలం మే సూర్యనందనః |

నేత్రే ఛాయాత్మజః పాతు పాతు కర్ణౌ యమానుజః || 1 ||

 నాసాం వైవస్వతః పాతు ముఖం మే భాస్కరః సదా |

స్నిగ్ధకంఠశ్చ మే కంఠం భుజౌ పాతు మహాభుజః || 2 ||

స్కంధౌ పాతు శనిశ్చైవ కరౌ పాతు శుభప్రదః |

వక్షః పాతు యమభ్రాతా కుక్షిం పాత్వసితస్తథా || 3 ||

నాభిం గ్రహపతిః పాతు మందః పాతు కటిం తథా |

ఊరూ మమాంతకః పాతు యమో జానుయుగం తథా || 4 ||

పాదౌ మందగతిః పాతు సర్వాంగం పాతు పిప్పలః |

అంగోపాంగాని సర్వాణి రక్షేన్మే సూర్యనందనః || 5 ||

 ఫలశ్రుతిః

ఇత్యేతత్కవచం దివ్యం పఠేత్సూర్యసుతస్య యః |

న తస్య జాయతే పీడా ప్రీతో భవతి సూర్యజః ||

వ్యయజన్మద్వితీయస్థో మృత్యుస్థానగతోఽపి వా |

కలత్రస్థో గతో వాపి సుప్రీతస్తు సదా శనిః ||

అష్టమస్థే సూర్యసుతే వ్యయే జన్మద్వితీయగే

కవచం పఠతే నిత్యం న పీడా జాయతే క్వచిత్ ||

ఇత్యేతత్కవచం దివ్యం సౌరేర్యన్నిర్మితం పురా |

ద్వాదశాష్టమజన్మస్థదోషాన్నాశయతే సదా |

జన్మలగ్నస్థితాన్ దోషాన్ సర్వాన్నాశయతే ప్రభుః ||

ఇతి శ్రీ బ్రహ్మాండపురాణే బ్రహ్మనారదసంవాదే శని వజ్ర పంజర కవచం |

 ఇది శని దేవుని వజ్ర పంజర కవచాన్ని పఠించడం వల్ల కలిగే ప్రయోజనాలను జాబితా చేస్తుంది, వాటిలో ఆనందం, అదృష్టం మరియు శనిని ప్రసన్నం చేసుకోవడం వంటివి ఉన్నాయి. ఈ కవచాన్ని ప్రతిరోజూ పఠించడం వల్ల జీవితకాలంలో వచ్చే దురదృష్టాల నుండి రక్షిస్తుందని మరియు గత జన్మల నుండి పొందిన అన్ని దోషాలు లేదా దోషాలను తొలగిస్తుంది

శ్రీ శని కవచం