Shyamala Dandakam - శ్రీ శ్యామలా దండకమ్

 Shyamala Dandakam - శ్రీ శ్యామలా దండకమ్

Shyamala Dandakam - శ్రీ శ్యామలా దండకమ్

(శ్రీ కాళిదాసకృతమ్)

మాణిక్య వీణామ్ ఉపలాలయంతీం

మదాలసాం మంజుల వాగ్విలాసామ్

మాహేంద్రనీలద్యుతి కోమలాంగీం

మాతంగ కన్యాం మనసా స్మరామి || 1 ||

 

చతుర్భుజే చంద్రకళావతంసే

కుచోన్నతే కుంకుమరాగశోణే

పుండ్రేక్షు పాశాంకుశ పుష్పబాణహస్తే

నమస్తే జగదేకమాతః ||2||

 

మాతా మరకతశ్యామా మాతంగీ మధుశాలినీ

కుర్యాత్ కటాక్షం కళ్యాణీ కదంబవనవాసివీ ||3||

 

జయ మాతంగతనయే జయ నీలోత్పలద్యుతే

జయ సంగీతరసికే జయ లీలాశుకప్రియే ||4||

 

జయ జనని సుధా సముద్రాంత హృద్యన్మణి ద్వీప

సంరూఢ బిల్వాటవీ మధ్య కల్పకాదంబ!

కాంతారవాసప్రియే కృత్తివాసప్రియే సర్వలోక ప్రియే

సాదరారబ్ధ సంగీత సంభావనా సంభ్రమాలోల!!

 

నీపస్రగా బద్దచూళీ సనాథత్రికే, సానుమత్పుత్రికే

శేఖరీభూత శీతాంశురేఖా మయూఖావళీ బద్ధ!

సుస్నిద్ద నీలాలకశ్రేణి శృంగారితే లోక సంభావితే

కామలీలా ధనుస్సన్నిభ భ్రూలతాపుష్ప సందోహ!!

 

సందేహ కృల్లోచనే వాక్సుధాసేచనే చారు

గోరోచనా పంకకేళీల లామాభిరామే సురామే రమే!

ప్రోల్లసద్వాళికా మౌక్తిక శ్రేణికా చంద్రికా మండలోద్భాసి

లావణ్య గండస్థలన్యస్త కస్తూరికా పత్రరేఖా సముద్భూత!!

 

సౌరభ్య సంభ్రాత భృంగాంగ సంగీత సాంద్రీ

భవన్మంద్ర తంత్రీస్వరే సుస్వరే భాస్వరే వల్లకీ!

వాదన ప్రక్రియా లోలతాళీ దళాబద్ధ తాటంక

భూషా విశేషాన్వితే సిద్ధసమ్మానితే దివ్యహాలా!!

 

యదోద్వేల హేలాల సచ్చక్షురాందోళన శ్రీసమాక్షిప్త

కర్ణైక నీలోత్పలే శ్యామలే పూరితా శేషలోకాభి వాంచా!

ఫలే నిర్మలే శ్రీపలే స్వేదబిందూల్ల సత్పాలలావణ్య

నిష్యంద సందోహ సందేహ కృన్నాసికా మౌక్తికే !!

 

సర్వమంత్రాత్మికే కాళికే ముగ్ధ మందస్మితో దార

వాక్త్రస్ఫురత్పూగ తాంబూల కర్పూర ఖండోత్కరే !

జ్ఞానముద్రాకరే సర్వసంపత్కరే పద్మభాస్వత్కరే శ్రీకరే

కుందపుష్పద్యుతి స్నిగ్ధ దంతావళీ నిర్మలాలోల కల్లోల !!

 

సమ్మేళనస్మేర శోణాధరే చారువీణాధరే పక్వబింబాధరే

సులలిత నవయౌవనారంభ చంద్రోదయెద్వేల లావణ్య !

దుగ్ధార వావిర్భవత్కంబు బింబోక్త భృత్కంధరే సత్కళా

మందిరే మంథరే దివ్యరత్నప్రభా బంధురచ్ఛన్న హారాది !!

 

భూషా సముద్ద్యోతమానా నవాద్యాం సుశోభే శుభే

రత్నకేయూర రశ్మిచ్ఛటాపల్లవ ప్రోల్లసద్దోర్లతా రాజితే !

యెగిభిః పూజితే, విశ్వదిఙ్మణ్డల వ్యాపి మాణిక్య

తేజస్స్ఫురత్ కంకణాలంకృతే విభ్రమాలంకృతే !!

 

సాధుభిస్సత్కృతే వాసరారంభ వేళా సముజ్జృంభ

మాణా రవింద ప్రతిద్వంది పాణిద్వయే సంతతోద్యద్వయే !

అద్వయే దివ్యరత్నోర్మికా దీధితిస్తోమ సంధ్యాయ

మానాంగుళీ పల్లవోద్యన్న ఖేందు ప్రభామండలే !!

 

సన్నతాఖండలే చిత్ప్రభామండలే ప్రోల్లసత్కుండలే

తారకా రాజినీకోశ హారావళి స్మేరచారు స్తనాభోగ !

భారానామన్ మధ్య వల్లీ వళిచ్ఛేద వీచీ సముల్లాస

సందర్శితా కార సౌందర్య రత్నాకరే వల్లకీభృత్కరే !!

 

కింకరశ్రీకరే హేమ కుంభోపయెత్తుంగ వక్షోజ భారావనమ్రే

త్రిలోకావనమ్రే లసద్వృత్త గంభీర నాభీ సరస్తీర శైవాల !

శంకాకర శ్యామరోమావళీ భూషణే మంజుసంభాషణే

చారుశింజత్కటీసూత్ర నిర్భర్త్సి తానంగలీలా ధనుశ్శింజినీ !!

 

డంబరే దివ్యరత్నాణ్బరే పద్మరాగోల్ల సన్మేఖలా

భాస్వరశ్రోణి శోభాజితస్వర్ణ భూభృత్తలే చంద్రికాశీతలే !

వికసిత నవకింశుకా తామ్రదివ్యాంశుకచ్ఛన్న చారూరు

శోభాపరాభూత సింధూర శోణాయ మానేంద్ర మాతంగ !!

 

హస్తార్గళే వైభవా నర్గళే శ్యామలే కోమలస్నిగ్ధ

నీలోత్పలోత్పాది తానంగతూణీర శంకాకరోద్ధార !

జంఘాలతే చారులీలాగతే నమ్రదిక్పాల సీమంతి

నీకుంతలస్నిగ్ధ నీలప్రభాపుంజ సంజాత దూర్వాం !!

 

కురాశంక సారంగ సంయెగ రింఖన్న ఖేందూజ్జ్వలే

ప్రోజ్జ్వలే నిర్మలే ప్రహ్వ దేవేశ లక్ష్మీశ భూతేశ తోయేశ !

కోటిర మాణిక్య సంఘ్రష్ట బాలాతపోద్దామ లాక్షార

సారుణ్య తారుణ్య లక్ష్మీ గృహీతాంఘ్రి పద్మే సుపద్మే !!

 

ఉమే సురుచిర నవరత్న పీఠస్థతే రత్నపద్మాసనే

రత్నసింహాసనే శంఖపద్మద్వయెపాశ్రితే విశ్రుతే తత్ర !

విఘ్నేశ దుర్గావటుక్షేత్ర పాలైర్యుతే మత్తమాతంగ కన్యా

సమూహాన్వితే మంజులా మేనకాద్యంగ నామానితే !!

 

భైరవైరష్ట భిర్వేష్టితే దేవి వామాదిభిః శక్తి భిస్సేవితే

ధాత్రిలక్ష్మ్యాది శక్త్యష్టకైః సంయుతే మాత్నకామణ్డలైర్మణ్డితే !

యక్షగంధర్వ సిద్ధాంగనా మండలైరర్చితే పంచబాణాత్మికే

పంచబాణేన రత్యా చ సంభావితే ప్రీతిభాజా వసంతే !!

 

సదానందితే భక్తిభాజాంపరం శ్రేయసే కల్పసే యెగినాం

మానసే ద్యోతసే ఛందసామెజసాభ్రాజసే గీత విద్యా !

వినోదాతి తృష్ణేన కృష్ణేన సంపూజ్యసే భక్తిమచ్చేతసా

వేధసాస్తూయసే విశ్వహృద్యేన వాద్యేన విద్యాధరైర్గీయసే !!

 

శ్రవణ హరణ దక్షిణ క్వాణయా వీణయా కిన్నరైర్గీయసే

యక్షగంధర్వ సిద్ధాంగనా మండలైరర్చ్యసే సర్వసౌభాగ్య !

వాంఛావతీ భిర్వధూభిస్సురాణాం సమారాధ్యసే సర్వ

విద్యా విశేషాత్మకం చాటుగాథా సముచ్ఛారణం కంఠ !!

 

మాల్లోలసర్వర్ణ రాజిత్రయం కోమల శ్యామలోదార

పక్షద్వయం తుండ శోభాతిదూరీ భవత్కింశుకం తంశుకం !

లాలయంతీ పరిక్రీడసే పాణిపద్మద్వయే నాక్షమాలామపి

స్ఫాటికీం జ్ఞానసారాత్మకం పుస్తకం చాపరేణాంకుశం !!

 

పాశమా బిభ్రతీ యేన సంచింత్యసే చేతసా తస్య

వక్త్రాంతరాద్గద్య పద్యాత్మికా భారతి నిస్సరేత్ యేనవా !

యావకా భాకృతిర్భావ్యసే తస్య వశ్యా భవంతిస్త్రియః

పూరుషాః యేనవా శాతకుంబ ద్యుతిర్భావ్యసే సోపి !!

 

లక్ష్మీ సహస్రైః పరిక్రీడతే కిం న సిద్ధ్యేద్వపుః శ్యామలం

కోమలం చంద్ర చూడాన్వితం తావకం ధ్యాయతః !

తస్య లీలా సరోవారిధీః తస్య కేళీవనం నందనం

తస్య భద్రాసనం భూతలం తస్య గీర్ధేవతా కింకరీ !!

 

తస్య చాజ్ఞాకరీ శ్రీస్వయం సర్వాత్మికే సర్వమంత్రాత్మికే

సర్వతంత్రాత్మికే సర్వమంత్రాత్మికే సర్వపీఠాత్మికే !

సర్వతత్త్వాత్మికే సర్వశక్త్యాత్మికే సర్వవిద్యాత్మికే

సర్వయెగాత్మికే సర్వనాదాత్మికే సర్వశభ్దాత్మికే !!

 

సర్వవిశ్వాత్మికే సర్వదీక్షాత్మికే సర్వచక్రాత్మికే

సర్వముద్రాత్మికే సర్వతీర్థాత్మికే సర్వవర్ణాత్మికే !

సర్వగే హే జగన్మాతృకే పాహి మాం పాహి మాం పాహి

తుభ్యం నమె దేవి తుభ్యం నమె దేవి తుభ్యం నమః !!

ఇతి శ్రీ మహాకని కాళిదాస విరచిత

శ్రీ శ్యామలా దండకమ్ సంపూర్ణం

సరస్వతి దేవి చాలీసా

Facebook