Ashwini Devata Stotram - అశ్వినీ దేవతా స్తోత్రం

 Ashwini Devata Stotram - అశ్వినీ దేవతా స్తోత్రం

Ashwini Devata Stotram - అశ్వినీ దేవతా స్తోత్రం

ప్రపూర్వగౌ పూర్వజౌ చిత్రభానూ

గిరావాశంసామి తపసా హ్యనంతౌ

దివ్యౌ సుపర్ణౌ విరజౌ విమానా -

-వధిక్షిపంతౌ భువనాని విశ్వా || 1 ||

హిరణ్మయౌ శకునీ సాంపరాయౌ

నాసత్యదస్రౌ సునసౌ వైజయంతౌ

శుక్లం వయంతౌ తరసా సువేమా -

- వధిష్యయంతావసితం వివస్వతః || 2 ||

గ్రస్తాం సువర్ణస్య బలేన వర్తికా -

- మముంచతామశ్వినౌ సౌభగాయ

తావత్ సువృత్తావనమంత మాయయా

వసత్తమా గా అరుణా ఉదావహన్ || 3 ||

షష్ఠిశ్చ గావస్త్రి శతాశ్చ ధేనవ

ఏకం వత్సం సువతే తం దుహంతి

నానాగోష్ఠా విహితా ఏకదోహనా -

-స్తావశ్వినౌ దుహతో ధర్మముక్థ్యమ్ || 4 ||

ఏకాం నాభిం సప్తశతా అరాః శ్రితా

ప్రధిష్వన్యా వింశతిరర్పితా అరాః

అనేమిచక్రం పరివర్తతేజరం

మాయాశ్వినౌ సమనక్తి చర్షిణీ || 5 ||

ఏకం చక్రం వర్తతే ద్వాదశారం

షణాభిమేకాక్షమృతస్య ధారణమ్

యస్మిన్ దేవా అధివిశ్వే విషక్తా -

- స్తావశ్వినౌ ముంచతో మా విషీదతమ్|| 6 ||

అశ్వినావిందుమమృతం వృత్తభూయౌ

తిరోధత్తామశ్వినౌ దాసపత్నీ

హిత్వా గిరిమశ్వినౌ గామ్దా చరంతౌ

తద్వృష్టిమహ్నా ప్రస్థితౌ బలస్య || 7 ||

యువాం దిశో జనయథో దశాగ్రే

సమానం మూర్ధ్నిరథ యాతం వియాంతి

తాసాం యాతమృషయెనుప్రయాంతి

దేవా మనుష్యాః క్షితిమాచరంతి || 8 ||

యువాం వర్ణాన్వికురుథో విశ్వరూపాం -

- స్తేధిక్షిపంతే భువనాని విశ్వా

తే భానవోప్యనుసృతాశ్చరంతి

దేవా మనుష్యాః క్షితిమాచరంతి || 9 ||

తౌ నాసత్యావశ్వినౌ వాం మహేహం

స్రజం చ యాం బిభృథః పుష్కరస్య

తౌ నాసత్యావమృతావృతావృధా -

- వృతే దేవాస్తత్ప్రపదే న సూతే || 10 ||

సుఖేన గర్భం లభేతాం యువానౌ

గతాసురేతత్ప్రపదే న సూతే

సద్యో జాతో మాతరమత్తి గర్భ -

-స్తావశ్వినౌ ముంచథో జీవసే గాః || 11 ||

స్తోతుం న శ్క్నోమి గుణైర్భవంతౌ

చక్షుర్విహీనః పథి సంప్రమెహః

దుర్గే హమస్మిన్పతితో స్మికూపే

యువాం శరణ్యౌ శరణం ప్రపద్యే || 12 ||

ఇతి శ్రీ మహాభారతే ఆదిపర్వణి తృతీయెధ్యాయే అశ్విని స్తోత్రమ్ సంపూర్ణం

 

శ్రీ వారాహీ దేవి కవచం