Sri Varahi Devi Kavacham - శ్రీ వారాహీ దేవి కవచం

Sri Varahi Devi Kavacham - శ్రీ వారాహీ దేవి కవచం

Sri Varahi Devi Kavacham - శ్రీ వారాహీ దేవి కవచం

అస్య శ్రీ వారాహీ కవచస్య త్రిలోచన ఋషీః । అనుష్టుప్ఛన్దః ।

శ్రీవారాహీ దేవతా । ఓం బీజం । గ్లౌం శక్తిః । స్వాహేతి కీలకం ।

మమ సర్వశత్రునాశనార్థే జపే వినియోగః ॥

ధ్యానం

ధ్యాత్వేంద్ర నీలవర్ణాభాం చన్ద్రసూర్యాగ్ని లోచనాం ।

విధివిష్ణుహరేన్ద్రాది మాతృభైరవసేవితామ్ ॥ 1 ॥

జ్వలన్మణిగణప్రోక్త మకుటామావిలంబితాం ।

అస్త్రశస్త్రాణి సర్వాణి తత్తత్కార్యోచితాని చ ॥ 2 ॥

ఏతైః సమస్తైర్వివిధం బిభ్రతీం ముసలం హలం ।

పాత్వా హింస్రాన్ హి కవచం భుక్తిముక్తి ఫలప్రదమ్ ॥ 3 ॥

పఠేత్త్రి సంధ్యం రక్షార్థం ఘోరశత్రునివృత్తిదం ।

వార్తాలీ మే శిరః పాతు ఘోరాహీ ఫాలముత్తమమ్ ॥ 4 ॥

నేత్రే వరాహవదనా పాతు కర్ణౌ తథాంజనీ ।

ఘ్రాణం మే రుంధినీ పాతు ముఖం మే పాతు జంభినీ ॥ 5 ॥

పాతు మే మోహినీ జిహ్వాం స్తంభినీ కంఠమాదరాత్ ।

స్కంధౌ మే పంచమీ పాతు భుజౌ మహిషవాహనా ॥ 6 ॥

సింహారూఢా కరౌ పాతు కుచౌ కృష్ణమృగాంచితా ।

నాభిం చ శంఖినీ పాతు పృష్ఠదేశే తు చక్రిణి ॥ 7 ॥

ఖడ్గం పాతు చ కట్యాం మే మేఢ్రం పాతు చ ఖేదినీ ।

గుదం మే క్రోధినీ పాతు జఘనం స్తంభినీ తథా ॥ 8 ॥

చండోచ్చండశ్చోరుయుగ్మం జానునీ శత్రుమర్దినీ ।

జంఘాద్వయం భద్రకాళీ మహాకాళీ చ గుల్ఫయోః ॥ 9 ॥

పాదాద్యంగుళీపర్యంతం పాతు చోన్మత్తభైరవీ ।

సర్వాంగం మే సదా పాతు కాలసంకర్షణీ తథా ॥ 10 ॥

యుక్తాయుక్తా స్థితం నిత్యం సర్వపాపాత్ప్రముచ్యతే ।

సర్వే సమర్థ్య సంయుక్తం భక్తరక్షణతత్పరమ్ ॥ 11 ॥

సమస్తదేవతా సర్వం సవ్యం విష్ణోః పురార్ధనే ।

సర్వశత్రువినాశాయ శూలినా నిర్మితం పురా ॥ 12 ॥

సర్వభక్తజనాశ్రిత్య సర్వవిద్వేష సంహతిః ।

వారాహీ కవచం నిత్యం త్రిసంధ్యం యః పఠేన్నరః ॥ 13 ॥

తథా విధం భూతగణా న స్పృశంతి కదాచన ।

ఆపదః శత్రుచోరాది గ్రహదోషాశ్చ సంభవాః ॥ 14 ॥

మాతాపుత్రం యథా వత్సం ధేనుః పక్ష్మేవ లోచనం ।

తథాంగమేవ వారాహీ రక్షా రక్షాతి సర్వదా ॥ 15 ॥

ఇతి శ్రీ రుద్రయామలతంత్రే శ్రీ వారాహీ కవచం సంపూర్ణం

శ్రీ కిరాత వారాహి స్తోత్రం