Vasavi Chalisa - శ్రీ వాసవి చాలీసా

 Vasavi Chalisa - శ్రీ వాసవి చాలీసా

Vasavi Chalisa - శ్రీ వాసవి చాలీసా

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం  || 1 ||

మల్లెపువ్వులు తెచ్చితిమి - మనసును నీకే ఇచ్చితిమి

వాసవులంతా చేరితిమి - నీ పారాయణమే చేసితిమి || 2 ||

పద్మరేకుల కాంతులతో - పసిడి మెరుపులా మెరియంగా

 హంసవాహిని రూపిణిగా - వెలసితివమ్మా కన్నెమ్మ || 3 ||

తెల్లని వస్త్రము ధరియించి - మెల్లె మాలను వేసుకొని

భక్తి మార్గము చూపితివి - జ్ఞాన జ్యోతిని నింపితివి  || 4 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

పెనుగొండాపురి వాసవిగా - కన్యక దేవి రూపంగా

వెలసితివమ్మా నీవమ్మా - దర్శన ఈయగ రావమ్మా || 5 ||

వాసవి మాతా దర్శనము - సిరి సంపదలకు ఆహ్వానం

కలుయుగమందున నీరూపం - కల్మషనాశిని నీవమ్మా || 6 ||

కుసుమ రాజునకు పుత్రికగా - కుసుమాంబా కూతురుగా

జనియించితివి లోకానా - జనులందరికీ దేవతగా || 7 ||

అందం చందం నీవమ్మా- గుడికే అందం నీవమ్మా

దర్శన మీయగ రావమ్మా- కష్టాలను కడతేర్చమ్మా || 8 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

పసిడి వెన్నెల కాంతులతో - పదునాలుగు లోకాలల్లో

పయనించితివి నీవమ్మా - పార్వతి రూపం నీవమ్మా || 9 ||

తెల్లని వస్త్రము ధరియించి - శాంతికి రూపం నీవమ్మా

చల్లగ దీవెన లిచ్చావు - సంతోషాని పెంచావు || 10 ||

దేవతలంతా నూకొకటి - శాంతి దేవతవు నీవమ్మా

వైశ్యుల ఇంట వెలసితివి - ధనలక్ష్మీగ నీవమ్మా || 11 ||

విరూపాక్షునికి సోదరిగా - వైశ్యులందరికి దేవతగా

వెలసితివంటా మాయింట - గుండెలలో నిలిచావంటా || 12 ||

చీరా, రవికా కోరితివి - పసుపు కుంకుమ లడిగితివి

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

భక్తి మార్గము తెలిపితివి - భక్తుల మనసును దోచితివి || 13 ||

సమాధి నిన్ను కొలవంగా - తపస్సు నిన్ను మెచ్చంగా

దర్శన మీయగ వచ్చితివి - కోరిన కోర్కెను తీర్చితివి || 14 ||

ఏడు వందలా పదునాలుగు - గోత్రము లున్నయ్ మనకంటు

నిలిచాయంటా నూట్రొండు - వాసవి వెంట మనమంటూ || 15 ||

పెండ్లికుల గోత్రినిగా - పెనుగొండాపురి వాసవిగా

సిరిసంపదలు ఇవ్వమ్మా- పాపహారిణిగా రావమ్మా || 16 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

శంఖు చక్రము ధరియించి - విష్ణు వర్థనుని హతమార్చి

లోకమాతగా వెలిశావు - భక్తుల మదిలో నిలిచాచు || 17 ||

దేవతలంతా వనగూడి - శిరస్సును వంచి మ్రెక్కంగా

పసిడి వెన్నెల కాంతులతో - పాద పద్మములు మెరవంగా || 18 ||

త్రిశూల ధారుణి మాతవుగా - త్రిభువన పాలిని దేవతగా

తల్లిని, తండ్రివి నీవేగా - గురువు దైవము నీవమ్మా || 19 ||

ఆర్యవైశ్య కుల దేవతగా - వైశ్యోద్ధారణ మాతవుగా

విశ్వ రూపము చూపితివి - జ్ఞాన మార్గమును నింపితివి  || 20 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

ఎన్నో రూపాలున్నాయి - అంతటా నీవే ఉన్నవు

ఏ పేరున నిన్నుపిలిచేము - ఏ రూపముగా నిను కొలిచేము || 21 ||

సోమ దత్తుని పుత్రుకగా - సౌభాగ్యవతి కానుకగా

భూలోకానికి వచ్చితివి - భక్తుల కోర్కెలు తీర్చితివి || 22 ||

దుర్గాకాళీ అవతారం - దయచూపంగా వచ్చితివి

దర్శన మీయగా రావమ్మా- కనకదుర్గ అవతారం || 23 ||

వరాలనిచ్చే వరలక్ష్మీ- దీవెనలన్నీ ఇవ్వమ్మా

కష్టాలన్నీ తొలగించి - శాంతి సుఖములు ఇవ్వమ్మా || 24 ||

త్రిపురా సుందరి అవతారం - మహిషాసురుని వదియించి

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

అద్భుతమైనది నీ మహిమా - అతి సుందరము నీరూపం || 25 ||

కరుణించమ్మా లలితమ్మా- కాపాడమ్మా కామాక్షమ్మా

దర్శన మీయగ రావమ్మా- కోరిన కోర్కెలు తీర్చమ్మా || 26 ||

సర్వేశ్వరుని ప్రియసతిగా - జగమంతటికి కన్యవుగా

వైశ్యుల సెవల నందుకొని - అంతట నీవే నిండితివి  || 27 ||

నలభై రోజుల మాలంటా - వాసవి మాతామాకంత

ఆత్మాహుతి రోజున మేము - పెను గొండాపురి చేరెదము || 28 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

అంబా శాంభవి నీరూపం- అద్భుతమైనది నీ రూపం

అతి సుందరము నీ దర్శనము - అద్భుతమైనది నీ రూపం || 29 ||

వాసువులంతా రారండి - దేవి రూపము చూడండి

అమ్మకు నీరాజన మివ్వండి - వాసవి దీవెన పొందడి || 30 ||

భక్తవ శంకరి నీవమ్మ- భవనా నీవమ్మా

అందరి శ్రేయస్సు కోరెదవూ - అమ్మల గన్న అమ్మావు నీవమ్మా || 31 ||

ఆర్య వైశ్యులను బ్రోవంగా - భువిలో వెలసితివి వాసవిగా

దుష్ఠ శిక్షణ సలుపుటకై - అవతరించితివి భువిలోన || 32 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

చిద్రూపిణివి నీవమ్మా- చిద్విలాసినివి నీవమ్మా

శక్తి దాయినివి నీవమ్మా- ముక్తి దాయినివి నీవమ్మా || 33 ||

అరిషడ్వర్గము తొలగించి - సద్గుణా వళిని చేకూర్చి

మెక్ష మెసంగి దేవతగా - చల్లని తల్లిని నీవమ్మా || 34 ||

శక్తి పీఠమై వెలుగొంద - సుప్రసిద్దమై పరగంగా

దివ్య మహిమలు జుపించు - తేజోరూపిణి నీవమ్మా || 35 ||

భయభయ హారిణి నీవమ్మా - కామేశ్వరిని నీవమ్మా

సర్వ వ్యాపిని నీవమ్మా- దీనుల గావగ రావమ్మా || 36 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

భక్తుల కోర్కెలు తీర్చుటకై - పెనుగొండపురిలో వెలసితివి

నీ మహిమంబును కొనయాడగ - ఆది శేషునికి తరమౌనా || 37 ||

పెనుగొండ పురమందు - వాసవి కన్యకు దేవతగా

భక్తి జనావళి బ్రోవంగా - శక్తి మాతగా వెలసితివి || 38 ||

మంగళ గౌరి నీ రూపం - మనసుల నిండా నింపితిని (నింపండి)

వాసవి దేవికి మనమంతా - మంగళ హారురులిద్దామా  || 39 ||

వాసవి మాత సత్యప్రియా - జగతికి మూలం నీవమ్మా

కన్యక దేవీ అవతారం - జగమంటటికి ఆధారం

వాసవీ మాతా చాలీసా ప్రతీ దినం పటించినచో దరి చేరలేవు నీ శోకాలు కలుగునులే శాంతి సుఖాలు

జై వాసవీ మాతా, జై జై వాసవీ మాతా

శ్రీ వాసవి ఖడ్గమాలా స్తోత్రం

Facebook