Ganesha Chalisa 2 - గణపతి చాలీసా

 Ganesha Chalisa - గణపతి చాలీసా 2

Ganesha Chalisa 2 - గణపతి చాలీసా 

తొలి దంపతుల తొలి సుతుడు

తొలి పూజలనందే ఘన విభుడు

విఘ్ననాశాక భయ హరుడు

విశ్వ పాలక శుభ చరుడు             || 1 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

అమ్మ నలుగుతో అమరేవు

అమ్మ జిలుగులు పొందేవు

అమ్మ వాకిట నిలిచేవు

అయ్యతో పోరున నిలిచేవు            || 2 ||

తగవులాటలో తల తెగి

అమ్మ మాటతో తల కుదిరి

శివ జ్ఞానముతో వెలిగేవు

శివ సన్నిధిలో నిలిచేవు               || 3 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

"గ" వర్ణమున నీ నామం

"గం" భీజముగా నీ మంత్రం

సాకారమున నీ రూపం

ఓం కారమున నీ తేజం                || 4 ||

వక్రతుండమగు వేషముతో

బ్రహ్మ తేజమున భాసించి

ఏక దంతమున ఏలికగా

ఎఱుక  చేసెను ఏకంగా                || 5 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

శూర్ప కర్ణముల శోభించి

సిద్ది బుద్దులతో భాసించి

శివ సన్నిధిలో మెలిగావు

శుభములు కూర్చుట నెరిగావు    || 6 ||

గుజ్జు రూపమును దాల్చేవు

ఒజ్జగా పూజలు బడసేవు

విరాట్ స్వరూపమున విరిసేవు

విఘ్న గణముల శాసించేవు        || 7 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

గణముల కధిపతివయ్యావు

గణపతిగా ఘనత నొందావు

నాట్య శాస్త్ర నైపుణ్యముతో

నాట్య గణపతిగ తెలిసేవు              || 8 ||

చతుర్బుజముల నీరూపము

పిత్రాంకమే నీ ప్రియ పీఠము

పాశాంకుశాల నీ హస్తము

ఆ జంట కూడేను అభయయాస్తము   || 9 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

పార్వతి దేవి ప్రియ సుతుడు

అగ్నిరూపునకు అగ్రజుడు

ప్రమధ గణములకు అధ్యుడు

పరమానంద స్వరూపుడు            || 10 ||

ఈశుడు మెచ్చిన పాలకుడై

వ్యాసుడు మెచ్చిన లేఖకుడై

పంచమ వేదం వ్రాసితివి

ప్రత్యేకత నీదని తెలిపితివి             || 11 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

క్షామములను తొలగించేవు

క్షేమములను చేకూర్చేవు

కామమును కడతేర్చేవు

కామ్యములను ఈడేర్చేవు           || 12 ||

శూల హస్తమున శోభించేవు

కాల హస్తమున కనిపించేవు

నీలాబ్జ నిలయునిగా తెలిసేవు

ఉపమానములకు మించేవు        || 13 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

ఘంటమయినది నీ దంతం

అసురునంతము చేసెను దంతం

ఘనత చాటెను ఆ ఉదంతం

గణాధిపతునకే ఇది సొంతం          || 14 ||

నిత్య బాలునిగ అగుపిస్తూ

నిర్గుణ బ్రహ్మ మనిపిస్తూ

నింగి నేలల భాసించేవు

నిత్య పూజలు బడసేవు               || 15 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

గరికకు ఘనతను ఒసగేవు

నీ పూజలో నిలువగ జేసేవు

మెదక మందగ మురుసేవు

మహదానందం నొసగేవు             || 16 ||

చిత్రమైనది నీ చరిత

విచిత్ర మైనది నీ ఘనత

తల్లి ప్రేమతో నిలిచేవు

తండ్రితో తలపడ తెలిసేవు            || 17 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

ఎలుకను ఎక్కి ఎగిరేవు

ఎల్ల లోకముల తిరిగేవు

ఎల్ల విఘ్నముల నణచేవు

ఎదురు లేదని చాటేవు                || 18 ||

అదితి గర్బమున అమరేవు

కాశ్యపేయునిగ తెలిసేవు

పలు నామాల పెరిగేవు

పలు రూపాల మెరిసేవు                || 19 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

అందరి దీవెనలందేవు

అసుర సంహారం చేసేవు

అక్షయమైనది నీ లీల

విలక్షణమైనది నీ హేల                || 20 ||

సంపూర్ణ కళాపూర్ణ

విఘ్న దోష సంస్కరణా

సిద్ది బుద్ది ప్రియ సదనా

సర్వలోక సంస్మరణా                   || 21 ||  

గం గం గం గణాదిపా

గజముఖ వరదా గణాదిపా           ||తొలి దంపతుల||

అష్ట భుజముల అగుపించి

తరుణ గణపతిగ కనిపించి

విరజను అంతము చేసావు

నీ జయమును జగతికి ఒసగావు     || 22 ||

భక్త గణపతిగ భాసించావు

చతుర్బుజముల శోభించినావు

గుడపాయస పాత్రను దాల్చావు

గండములన్నీ దాటించావు           || 23 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

షోడశ భుజ సంభూత

శోక దుఃఖ పరిహార

చక్రాయుధ దర సుందరా

శక్తాయుధ నిజ శోభితా                || 24 ||

పరుశు హస్తమున దాల్చేవు

వీర గణపతిగ తెలిసేవు

ఖట్వాంగముతో కనిపించి

శూల పాశకముల మెరిసేవు        || 25 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

బహు రూపాల ప్రభవించేవు

బహు నామాల తెలిసేవు

బహుముఖ ప్రజ్ఞతో వెలిగేవు

బహు కార్యాల నిలిచేవు                          || 26 ||

సకల కళలకు నువు నిలయం

విశ్వ వ్యాప్తికి నువ్వు వలయం

సకల కార్యముల నీ సంకల్పం

సర్వ జగతికి అది మూలం           || 27 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

గణనాయకా సకల గుణ దాయకా

వరదాయకా సర్వ శుభ కారకా

గణ సేవితా దివ్య గుణ శోభితా

జన పూజితా సురమని సన్నుతా  || 28 ||

ఏకదంతముతో నీవు శోభించి

అర్థనారీశ్వరునిగ అగుపించి

అద్వైతమును బోధించినావు

అజ్ఞానమును తొలగించినావు        || 29 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

పచ్చి కాయలకే పరవశించి

పచ్చ గడ్డిని పూవును చేసి

ఆ పువు పూజకే మురిసావు

ముప్పేట వరముల నొసగావు      || 30 ||

ఓంకరలన్నీ సవరించావు

సంకటములు తొలగించేవు

శివ జ్ఞానమును కలిగించేవు

శివ భక్తుల కూడి మురిసేవు         || 31 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

దశ బాహువుల మెరిసేవు

దశదిశలా వ్యాపించేవు

మయూరేశునిగ మసలేవు

కమలాసురుని నిర్జించావు           || 32 ||

గణపతి విష్ణువు అభేదము

అవతారములు అందు విశేషము

దర్మ రక్షణే తొలి లక్ష్యం

దుష్ట శిక్షణే పరమార్థం                 || 33 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

ఉపాసనకు ఉన్నతము

ఉపదేశాన నువు ప్రదమం

ఉజ్వలమైనది నీ తేజం

మహోజ్వలమైనది నీ తత్వం        || 34 ||

గజముఖమున ఘనతుంది

సూక్ష్మగ్రాహక శక్తుంది

దేహ కాంతిలో సింధూరం

బ్రహ్మ తేజమునకే ఇది సాధ్యం     || 35 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

అవతారములను దాల్చేవు

అసుర శక్తులను అణిచేవు

నిన్ను తెలియుట ఘన యెగం

కరుణ తపముల సంయెగం          || 36 ||

మూషిక వాహన విజయ గణపతి

మెదక హస్త మహా గణపతి

పాశాంకుశముల ప్రధమ గణపతి

పరశు హస్త దర సిద్ది గణపతి       || 37 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

బంధ విమెచక ఊర్ద్వ గణపతి

భాగ్య ప్రదాత బహుముఖ గణపతి

లక్ష్య ప్రదాతా లక్ష్మీ గణపతి

సిద్ది ప్రదాతా సిద్ది గణపతి             || 38 ||

భక్తి ముక్తి ప్రద బాల గణపతి

శక్తి యుక్తి ప్రద వీర గణపతి

పాల నేత్ర తేజ దృష్టి గణపతి

నిత్య విఘ్నహర నీల గణపతి       || 39 ||

గం గం గం గణాదిపా

గజముఖ వరదా గణాదిపా           ||తొలి దంపతుల||

జయ జయ జయ విజయ గణపతి

జయము జయము సుజ్ఞాన గణపతి

జయ జయ జయ క్షిప్ర గణపతి

శరణు శరణు హేరంబ గణపతి        || 40 ||

గణపతి చాలీసా

Facebook