Navagraha Kavacham-నవగ్రహ కవచం
 |
| Navagraha Kavacham-నవగ్రహ కవచం |
శిరో మే పాతు మార్తాండో కపాలం రోహిణీపతిః ।
ముఖమంగారకః పాతు కంఠశ్చ శశినందనః ॥ 1 ॥
బుద్ధిం జీవః సదా పాతు హృదయం భృగునందనః ।
జఠరం చ శనిః పాతు జిహ్వాం మే దితినందనః ॥ 2 ॥
పాదౌ కేతుః సదా పాతు వారాః సర్వాంగమేవ చ ।
తిథయోష్టౌ దిశః పాంతు నక్షత్రాణి వపుః సదా ॥ 3 ॥
అంసౌ రాశిః సదా పాతు యోగాశ్చ స్థైర్యమేవ చ ।
గుహ్యం లింగం సదా పాంతు సర్వే గ్రహాః శుభప్రదాః ॥4॥
అణిమాదీని సర్వాణి లభతే యః పఠేద్ ధృవమ్ ।
ఏతాం రక్షాం పఠేద్ యస్తు భక్త్యా స ప్రయతః సుధీః ॥5॥
స చిరాయుః సుఖీ పుత్రీ రణే చ విజయీ భవేత్ ।
దారార్థీ లభతే భార్యాం సురూపాం సుమనోహరామ్ ।
రోగీ రోగాత్ప్రముచ్యేత బద్ధో ముచ్యేత బంధనాత్ ॥ 7 ॥
జలే స్థలే చాంతరిక్షే కారాగారే విశేషతః ।
యః కరే ధారయేన్నిత్యం భయం తస్య న విద్యతే ॥ 8 ॥
బ్రహ్మహత్యా సురాపానం స్తేయం గుర్వంగనాగమః ।
సర్వపాపైః ప్రముచ్యేత కవచస్య చ ధారణాత్ ॥ 9 ॥
నారీ వామభుజే ధృత్వా సుఖైశ్వర్యసమన్వితా ।
కాకవంధ్యా జన్మవంధ్యా మృతవత్సా చ యా భవేత్ ।
బహ్వపత్యా జీవవత్సా కవచస్య ప్రసాదతః ॥ 10 ॥
ఇతి గ్రహయామలే
ఉత్తరఖండే నవగ్రహ కవచం సమాప్తమ్ ।
0 Comments