Shani krutha sri Narasimha Stuti - శనైశ్చర కృత శ్రీ నృసింహ స్తుతి

 Shani krutha sri Narasimha Stuti - శనైశ్చర కృత శ్రీ నృసింహ స్తుతి

Shani krutha sri Narasimha Stuti - శనైశ్చర కృత శ్రీ నృసింహ స్తుతి

సులభో భక్తియుక్తానాం

దుర్దర్శో దుష్టచేతసాం |

అనన్యగతికానాం చ

ప్రభుర్భక్తైకవత్సలః ||

శనైశ్చరస్తత్ర నృసింహదేవ

స్తుతిం చకారామల చిత్తవృతిః |

ప్రణమ్య సాష్టాంగమశేషలోక

కిరీట నీరాజిత పాదపద్మమ్ ||

శ్రీ శనిరువాచ:-

యత్పాదపంకజరజః పరమాదరేణ

సంసేవితం సకల కల్మషరాశినాశం |

కల్యాణకారకమశేష నిజానుగానాం

స త్వం నృసింహ మయి దేహి కృపావలోకమ్ ||

సర్వత్ర చంచలతయా స్థితయా హి లక్ష్మ్యా

బ్రహ్మాది వన్ద్యపదయా స్థిరయాన్యసేవి |

పాదారవిన్దయుగళం పరమాదరేణ

స త్వం నృసింహ మయి దేహి కృపావలోకమ్ ||

ప్రహ్మాద భక్త వచసా హరిరావిరాస

స్తంభే హిరణ్యకశిపుం య ఉదారభావః |

ఊర్వో నిధాయ ఉదరం నఖరైర్దదార

స త్వం నృసింహ మయి దేహి కృపావలోకమ్ ||

యె నైజభక్తమనలాంబుధి భూధరోగ్ర -

శృంగప్రపాత విషదన్తి సరీసృపేభ్యః |

సర్వాత్మకః పరమ కారుణికో రరక్ష

స త్వం నృసింహ మయి దేహి కృపావలోకమ్ ||

యన్నిర్వికార పరరూప విచిన్తనేన

యెగీశ్వరా విషయవీత సమస్తరాగాః |

విశ్రాంతిమాపుర వినాశవతీం పరాఖ్యాం

స త్వం నృసింహ మయి దేహి కృపావలోకమ్ ||

యద్రూపముగ్ర పరిమర్దన భావశాలి

సంచిన్తనమ్ సకలాఘ వినాశకారి |

భూత జ్వర గ్రహ సముద్భవ భీతినాశం

స త్వం నృసింహ మయి దేహి కృపావలోకమ్ ||

యస్యోత్తమం యశ ఉమాపతి పద్మజన్మ

శక్రాది దైవత సభాసు సమస్తగీతం |

శక్త్యైవ సర్వశమల ప్రశమైక దక్షం

స త్వం నృసింహ మయి దేహి కృపావలోకమ్ ||

ఇత్థం శ్రుత్వా స్తుతిం దేవః

శనినా కల్పితాం హరిః

ఉవాచ బ్రహ్మ వృన్దస్థం

శనిం తం భక్తవత్సలః

శ్రీ నృసింహ ఉవాచ:-

ప్రసన్నోహం శనే తుభ్యం

వరం వరయ శోభనం |

యం వాంఛసి తమేవ

త్వం సర్వలోక హితావహమ్ ||

శ్రీ శనిరువాచ:-

నృసింహ త్వం మయి కృపాం

కురు దేవ దయానిధే |

మద్వాసరస్తవ ప్రీతి

కరః స్యాద్దేవతాపతే ||

మత్కృతం త్వత్పరం స్తోత్రం

శృణ్వన్తి చ పఠన్తి చ |

సర్వాన్ కామన్ పూరయేథాః

తేషాం త్వం లోకభావన ||

శ్రీ నృసింహ ఉవాచ:-

తథైవాస్తు శనేహం వై

రక్షో భువనసంస్థితః |

భక్త కామాన పూరయిష్యే

త్వం మమైకం వచః శృణు ||

త్వత్కృతం మతృరం స్తోత్రం

యః పఠేచ్ఛృణుయాచ్చ యః |

ద్వాదశాష్టమ జన్మస్థాత్

త్వద్భయం మాస్తు తస్య వై ||

శనిర్నరహరిం దేవం

తథేతి ప్రత్యువాచ హ|

తతః పరమసంతుష్టాః

జయేతి మునయెవదన్ ||

శ్రీ కృష్ణ ఉవాచ:-

ఇదం శనైశ్చరస్యాథ నృసింహ దేవ

సంవాదమేతత్ స్తవనం చ మానవః |

శృణోతి యః శ్రావయతే చ భక్త్యా

సర్వాణ్యభీష్టాని చ విన్దతే ధ్రువమ్ ||

ఇతి

శ్రీ భవిష్యోత్తరపురాణే

శ్రీ శనైశ్చర కృత

శ్రీ నృసింహ స్తుతిః

శని భగవానుడు చేసిన ఈ నృసింహ స్తోత్రం పఠించిన వారికి శని దోశములు ఏవి కలుగవని నరసింహ స్వామి చేత ఆజ్ఞాపించ బడిన శని అంగీకరించిన స్తోత్రమి ఇది.

Facebook

శ్రీ సూర్య దండకం