Maha Ganapathi Sahasranama Stotram - మహా గణపతి సహస్రనామ స్తోత్రం
 |
| Maha Ganapathi Sahasranama Stotram - మహా గణపతి సహస్రనామ స్తోత్రం |
వ్యాస ఉవాచ
కథం నామ్నాం సహస్రం స్వం గణేశ ఉపదిష్టవాన్ ।
శివాయ తన్మమాచక్ష్వ లోకానుగ్రహతత్పర
॥ 1 ॥
బ్రహ్మోవాచ
దేవః దేవః పురారాతిః పురత్రయజయోద్యమే ।
అనర్చనాద్గణేశస్య జాతో విఘ్నాకులః కిల ॥ 2 ॥
మనసా స వినిర్ధార్య తత్తస్తద్విఘ్నకారణమ్ ।
మహాగణపతిం భక్త్యా సమభ్యర్చ్య యథావిధి ॥ 3 ॥
విఘ్నప్రశమనోపాయమపృచ్ఛదపరిశ్రమమ్ ।
సంతుష్టః పూజయా శంభోర్మహాగణపతిః స్వయం ॥ 4 ॥
సర్వవిఘ్నప్రశమనం సర్వకామఫలప్రదమ్ ।
తతస్తస్మై స్వయం నామ్నాం సహస్రమిదమబ్రవీత్ ॥ 5 ॥
అస్య శ్రీమహాగణపతి సహస్రనామస్తోత్రమాలామంత్రస్య ।
మహాగణపతి ఋషిః అనుష్టుప చందః ।
శ్రీ మహాగణపతిర్దేవతా గం బీజం హుం శక్తిః స్వాహా కీలకం ।
సకలవిఘ్నవినాశనద్వారా శ్రీమహాగణపతి ప్రసాదసిద్ధ్యర్థే జపే వినియోగః
।
అథ కరన్యాసః
గణేశ్వరో గణక్రీడ ఇత్యంగుష్ఠాభ్యాం నమః ।
కుమారగురురీశాన ఇతి తర్జనీభ్యాం నమః ॥
బ్రహ్మాండకుంభశ్చిద్వ్యోమేతి మధ్యమాభ్యాం నమః ।
రక్తో రక్తాంబరధర ఇత్యనామికాభ్యాం నమః
సర్వసద్గురుసంసేవ్య ఇతి కనిష్ఠికాభ్యాం నమః ।
లుప్తవిఘ్నః స్వభక్తానామితి కరతలకరపృష్ఠాభ్యాం నమః ॥
అథ అంగన్యాసః
ఛందశ్ఛందోద్భవ ఇతి హృదయాయ నమః ।
నిష్కలో నిర్మల ఇతి శిరసే స్వాహా ।
సృష్టిస్థితిలయక్రీడ ఇతి శిఖాయై వషట్ ।
జ్ఞానం విజ్ఞానమానంద ఇతి కవచాయ హుమ్ ।
అష్టాంగయోగఫలభృదితి నేత్రత్రయాయ వౌషట్ ।
అనంతశక్తిసహిత ఇత్యస్త్రాయ ఫట్ ।
భూర్భువః స్వరోం ఇతి దిగ్బంధః ।
అథ ధ్యానం
గజవదనమచింత్యం తీక్ష్ణదంష్ట్రం త్రినేత్రం
బృహదుదరమశేషం భూతిరాజం పురాణమ్ ।
అమరవరసుపూజ్యం రక్తవర్ణం సురేశం
పశుపతిసుతమీశం విఘ్నరాజం నమామి ॥
శ్రీ గణపతిరువాచ
ఓం గణేశ్వరో గణక్రీడో గణనాథో గణాధిపః ।
ఏకదంతో వక్రతుండో గజవక్త్రో మహోదరః ॥ 1 ॥
లంబోదరో ధూమ్రవర్ణో వికటో విఘ్ననాశనః ।
సుముఖో దుర్ముఖో బుద్ధో విఘ్నరాజో గజాననః ॥ 2 ॥
భీమః ప్రమోద ఆమోదః సురానందో మదోత్కటః ।
హేరంబః శంబరః శంభుర్లంబకర్ణో మహాబలః ॥ 3 ॥
నందనో లంపటో భీమో మేఘనాదో గణంజయః ।
వినాయకో విరూపాక్షో ధీరశూరో వరప్రదః ॥ 4 ॥
మహాగణపతిర్బుద్ధిప్రియః క్షిప్రప్రసాదనః ।
రుద్రప్రియో గణాధ్యక్ష ఉమాపుత్రో ఘనాశనః ॥ 5 ॥
కుమారగురురీశానపుత్రో మూషకవాహనః ।
సిద్ధిప్రియః సిద్ధిపతిః సిద్ధః సిద్ధివినాయకః ॥ 6 ॥
అవిఘ్నస్తుంబురుః సింహవాహనో మోహినీప్రియః ।
కటంకటో రాజపుత్రః శాకలః సమ్మితో మితః ॥ 7 ॥
కూష్మాండసామసంభూతిర్దుర్జయో ధూర్జయో జయః ।
భూపతిర్భువనపతిర్భూతానాం పతిరవ్యయః ॥ 8 ॥
విశ్వకర్తా విశ్వముఖో విశ్వరూపో నిధిర్గుణః ।
కవిః కవీనామృషభో బ్రహ్మణ్యో బ్రహ్మణస్పతిః ॥ 9 ॥
జ్యేష్ఠరాజో నిధిపతిర్నిధిప్రియపతిప్రియః ।
హిరణ్మయపురాంతఃస్థః సూర్యమండలమధ్యగః ॥ 10 ॥
కరాహతిధ్వస్తసింధుసలిలః పూషదంతభిత్ ।
ఉమాంకకేలికుతుకీ ముక్తిదః కులపావనః ॥ 11 ॥
కిరీటీ కుండలీ హారీ వనమాలీ మనోమయః ।
వైముఖ్యహతదైత్యశ్రీః పాదాహతిజితక్షితిః ॥ 12 ॥
సద్యోజాతః స్వర్ణముంజమేఖలీ దుర్నిమిత్తహృత్ ।
దుఃస్వప్నహృత్ప్రసహనో గుణీ నాదప్రతిష్ఠితః ॥ 13 ॥
సురూపః సర్వనేత్రాధివాసో వీరాసనాశ్రయః ।
పీతాంబరః ఖండరదః ఖండేందుశేఖరః ॥ 14 ॥
చిత్రాంగః శ్యామదశనో ఫాలచంద్రశ్చతుర్భుజః ।
యోగాధిపస్తారకస్థః పురుషో గజకర్ణకః ॥ 15 ॥
గణాధిరాజో విజయః స్థిరో గజపతిధ్వజీ ।
దేవదేవః స్మరః ప్రాణదీపకో వాయుకీలకః ॥ 16 ॥
విపశ్చిద్వరదో నాదో నాదభిన్నబలాహకః ।
వరాహరదనో మృత్యుంజయో వ్యాఘ్రాజినాంబరః ॥ 17 ॥
ఇచ్ఛాశక్తి ధరో దేవత్రాతా దైత్యవిమర్దనః ।
శంభువక్త్రోద్భవః శంభుకోపహా శంభుహాస్యభూః ॥ 18 ॥
శంభుతేజాః శివాశోకహారీ గౌరీసుఖావహః ।
ఉమాంగమలజో గౌరీతేజోభూః స్వర్ధునీభవః ॥ 19 ॥
యజ్ఞకాయో మహానాదో గిరివర్ష్మా శుభాననః ।
సర్వాత్మా సర్వదేవాత్మా బ్రహ్మమూర్ధా కకుప్శ్రుతిః ॥ 20 ॥
బ్రహ్మాండకుంభశ్చిద్వ్యోమఫాలః సత్యశిరోరుహః ।
జగజ్జన్మలయోన్మేషనిమేషో గ్న్యర్కసోమదృక్ ॥ 21 ॥
గిరీంద్రైకరదో ధర్మాధర్మోష్ఠః సామబృంహితః ।
గ్రహర్క్షదశనో వాణీజిహ్వో వాసవనాసికః ॥ 22 ॥
కులాచలాంసః సోమార్కఘంటో రుద్రశిరోధరః ।
నదీనదభుజః సర్పాంగులీకస్తారకానఖః ॥ 23 ॥
భ్రూమధ్యసంస్థితకరో బ్రహ్మవిద్యామదోత్కటః ।
వ్యోమనాభిః శ్రీహృదయో మేరుపృష్ఠో ర్ణవోదరః ॥ 24 ॥
కుక్షిస్థయక్షగంధర్వరక్షఃకిన్నరమానుషః ।
పృథ్వీకటిః సృష్టిలింగః శైలోరుర్దస్రజానుకః ॥ 25 ॥
పాతాలజంఘో మునిపాత్కాలాంగుష్ఠస్త్రయీతనుః ।
జ్యోతిర్మండలలాంగూలో హృదయాలాననిశ్చలః ॥ 26 ॥
హృత్పద్మకర్ణికాశాలీ వియత్కేలిసరోవరః ।
సద్భక్తధ్యాననిగడః పూజావారీనివారితః ॥ 27 ॥
ప్రతాపీ కాశ్యపసుతో గణపో విష్టపీ బలీ ।
యశస్వీ ధార్మికః స్వోజాః ప్రథమః ప్రమథేశ్వరః ॥ 28 ॥
చింతామణిర్ద్వీపపతిః కల్పద్రుమవనాలయః ।
రత్నమండపమధ్యస్థో రత్నసింహాసనాశ్రయః ॥ 29 ॥
తీవ్రాశిరోద్ధృతపదో జ్వాలినీమౌలిలాలితః ।
నందానందితపీఠశ్రీర్భోగదో భూషితాసనః ॥ 30 ॥
సకామదాయినీపీఠః స్ఫురదుగ్రాసనాశ్రయః ।
తేజోవతీశిరోరత్నం సత్యానిత్యావతంసితః ॥ 31 ॥
సవిఘ్ననాశినీపీఠః సర్వశక్త్యంబుజాశ్రయః ।
లిపిపద్మాసనాధారో వహ్నిధామత్రయాలయః ॥ 32 ॥
ఉన్నతప్రపదో గూఢగుల్ఫః సంవృతపార్ష్ణికః ।
పీనజంఘః శ్లిష్టజానుః స్థూలోరుః ప్రోన్నమత్కటిః ॥ 33 ॥
నిమ్ననాభిః స్థూలకుక్షిః పీనవక్షా బృహద్భుజః ।
పీనస్కంధః కంబుకంఠో లంబోష్ఠో లంబనాసికః ॥ 34 ॥
భగ్నవామరదస్తుంగసవ్యదంతో మహాహనుః ।
హ్రస్వనేత్రత్రయః శూర్పకర్ణో నిబిడమస్తకః ॥ 35 ॥
స్తబకాకారకుంభాగ్రో రత్నమౌలిర్నిరంకుశః ।
సర్పహారకటీసూత్రః సర్పయజ్ఞోపవీతవాన్ ॥ 36 ॥
సర్పకోటీరకటకః సర్పగ్రైవేయకాంగదః ।
సర్పకక్షోదరాబంధః సర్పరాజోత్తరచ్ఛదః ॥ 37 ॥
రక్తో రక్తాంబరధరో రక్తమాలావిభూషణః ।
రక్తేక్షనో రక్తకరో రక్తతాల్వోష్ఠపల్లవః ॥ 38 ॥
శ్వేతః శ్వేతాంబరధరః శ్వేతమాలావిభూషణః ।
శ్వేతాతపత్రరుచిరః శ్వేతచామరవీజితః ॥ 39 ॥
సర్వావయవసంపూర్ణః సర్వలక్షణలక్షితః ।
సర్వాభరణశోభాఢ్యః సర్వశోభాసమన్వితః ॥ 40 ॥
సర్వమంగలమాంగళ్యః సర్వకారణకారణమ్ ।
సర్వదేవవరః శారంగీ బీజపూరీ గదాధరః ॥ 41 ॥
ఇక్షుచాపధరః శూలీ చక్రపాణిః సరోజభృత్ ।
పాశీ ధృతోత్పలః శాలిమంజరీభృత్ స్వదంతభృత్ ॥ 42 ॥
కల్పవల్లీధరో విశ్వాభయదైకకరో వశీ ।
అక్షమాలాధరో జ్ఞానముద్రావాన్ ముద్గరాయుధః ॥ 43 ॥
పూర్ణపాత్రీ కంబుధరో విధృతాలిసముద్గకః ।
మాతులుంగధరశ్చూతకలికాభృత్కుఠారవాన్ ॥ 44 ॥
పుష్కరస్థస్వర్ణఘటీపూర్ణరత్నాభివర్షకః ।
భారతీసుందరీనాథో వినాయకరతిప్రియః ॥ 45 ॥
మహాలక్ష్మీప్రియతమః సిద్ధలక్ష్మీమనోరమః ।
రమారమేశపూర్వాంగో దక్షిణోమామహేశ్వరః ॥ 46 ॥
మహీవరాహవామాంగో రతికందర్పపశ్చిమః ।
ఆమోదమోదజననః సప్రమోదప్రమోదనః ॥ 47 ॥
సమేధితసమృద్ధశ్రీరృద్ధిసిద్ధిప్రవర్ధకః ।
దత్త సౌముఖ్యసుముఖః కాంతికందలితాశ్రయః ॥ 48 ॥
మదనావత్యాశ్రితాంఘ్రిః కృతవైముఖ్యదుర్ముఖః ।
విఘ్నసంపల్లవః పద్మః సర్వోన్నతమదద్రవః ॥ 49 ॥
విఘ్నకృన్నిమ్నచరణో ద్రావిణీశక్తిసత్కృతః ।
తీవ్రాప్రసన్ననయనో జ్వాలినీపాలితైకదృక్ ॥ 50 ॥
మోహినీమోహనో భోగదాయినీకాంతిమండనః ।
కామినీకాంతవక్త్రశ్రీరధిష్ఠితవసుంధరః ॥ 51 ॥
వసుంధరామదోన్నాద్ద మహాశంఖనిధిప్రిభుః ।
నమద్వసుమతీమాలీ మహాపద్మనిధిః ప్రభుః ॥ 52 ॥
సర్వసద్గురుసంసేవ్యః శోచిష్కేశహృదాశ్రయః ।
ఈశానమూర్ధా దేవేంద్రశిఖః పవననందనః ॥ 53 ॥
అగ్రప్రత్యగ్రనయనో దివ్యో దివ్యాస్త్రాణాంప్రయెగవిత్ ।
ఐరావతాదిసర్వాశావారణో వరణప్రియః ॥ 54 ॥
వజ్రాద్యస్త్ర పరీవారో గణచండసమాశ్రయః ।
జయాజయపరికరో విజయావిజయావహః ॥ 55 ॥
అజితార్చితపాదాబ్జో నిత్యానిత్యావతంస్థితః ।
విలాసినీకృతోల్లాసః శౌండీ సౌందర్యమండితః ॥ 56 ॥
అనంతానంతసుఖదః సుమంగళసుమంగళః ।
ఇచ్ఛాశక్తి జ్ఞానాశక్తి క్రియాశక్తి నిషేవితః ॥ 57 ॥
సుభగాసంశ్రితపదో లలితాలలితాశ్రయః ।
కామినీపాలనః కామకామినీకేలిలాలితః ॥ 58 ॥
సరస్వత్యాశ్రయో గౌరీనందనః శ్రీనికేతనః ।
గురుగుప్తపదో వాచాసిద్ధో వాగీశ్వరీపతిః ॥ 59 ॥
నలినీకాముకో వామారామో జ్యేష్ఠామనోరమః ।
రౌద్రీముద్రితపాదాబ్జో హుంబీజస్తుంగశక్తికః ॥ 60 ॥
విశ్వాదిజననత్రాణః స్వాహాశక్తిః సకీలకః ।
అమృతాబ్ధికృతావాసో మదఘూర్ణితలోచనః ॥ 61 ॥
ఉచ్ఛిష్టగణకో ఉచ్ఛిష్టగణేశో గణనాయకః ।
సార్వకాలికసంసిద్ధిర్నిత్యసేవ్యో దిగంబరః ॥ 62 ॥
అనపాయోనంతదృష్టిరప్రమేయో జరామరః ।
అనావిలోప్రతిహతిరచ్యుతో మృతమక్షరః ॥ 63 ॥
అప్రతర్క్యోక్షయో జయ్యో నాధారో నామయో మలః ।
అమేయసిద్ధిరద్వైతమఘోరో ప్రమితాననః ॥ 64 ॥
అనాకారో బ్ధిభూమ్యగ్నిబలఘ్నో వ్యక్తలక్షణః ।
ఆధారపీఠ ఆధార ఆధారాధేయవర్జితః ॥ 65 ॥
ఆఖుకేతన ఆశాపూరక ఆఖుమహారథః ।
ఇక్షుసాగరమధ్యస్థ ఇక్షుభక్షణలాలసః ॥ 66 ॥
ఇక్షుచాపాతిరేకశ్రీరిక్షుచాపనిషేవితః ।
ఇంద్రగోపసమానశ్రీరింద్రనీలసమద్యుతిః ॥ 67 ॥
ఇందీవరదలశ్యామః ఇందుమండలమండితః ।
ఇధ్మప్రియ ఇడాభాగ ఇడావానిందిరాప్రియః ॥ 68 ॥
ఇక్ష్వాకువిఘ్నవిధ్వంసీ ఇతికర్తవ్యతేప్సితః ।
ఈశానమౌలిరీశాన ఈశానప్రియ ఈతిహా ॥ 69 ॥
ఈషణాత్రయకల్పాంత ఈహామాత్రవివర్జితః ।
ఉపేంద్ర ఉడుభృన్మౌలిరుడునాథకరప్రియః ॥ 70 ॥
ఉన్నతానన ఉత్తుంగ ఉదారస్త్రిదశాగ్రణీః ।
ఊర్జస్వానూష్మలమద ఊహాపోహదురాసదః ॥ 71 ॥
ఋగ్యజుఃసామ భూతిరృద్ధి సిద్ధిసమర్పకః ।
ఋజుచిత్తైకసులభః ఋణత్రయవిమోచకః ॥ 72 ॥
లుప్తవిఘ్నః స్వభక్తానాం లుప్తశక్తిః సురద్విషామ్ ।
లుప్తశ్రీర్విముఖార్చానాం లూతావిస్ఫోటనాశనః ॥ 73 ॥
ఏకారపీఠమధ్యస్థ ఏకపాదకృతాసనః ।
ఏజితాఖిలదైత్యశ్రీరేధితాఖిలసంశ్రయః ॥ 74 ॥
ఐశ్వర్యనిధిరైశ్వర్యమైహికాముష్మికప్రదః ।
ఐరంమదసమోన్మేష ఐరావతసమాననః ॥ 75 ॥
ఓంకారవాచ్య ఓంకార ఓజస్వానోషధీపతిః ।
ఔదార్యనిధిరౌద్ధత్యధుర్య ఔన్నత్యనిస్వనః ॥ 76 ॥
అంకుశః సురనాగానామంకుశః సురవిద్విషామ్ ।
అః సమస్తవిసర్గాంతపదేషు పరికీర్తితః ॥ 77 ॥
కమండలుధరః కల్పః కపర్దీ కలభాననః ।
కర్మసాక్షీ కర్మకర్తా కర్మాకర్మఫలప్రదః ॥ 78 ॥
కదంబగోలకాకారః కూష్మాండగణనాయకః ।
కారుణ్యదేహః కపిలః కథకః కటిసూత్రభృత్ ॥79 ॥
ఖర్వః ఖడ్గప్రియః ఖడ్గః ఖాంతాంతఃస్థః ఖనిర్మలః ।
ఖల్వాటశృంగనిలయః ఖట్వాంగీ ఖదురాసదః ॥ 80 ॥
గుణాఢ్యో గహనో గస్థో గద్యపద్యసుధార్ణవః ।
గద్యగానప్రియో గర్జో గీతగీర్వాణపూర్వజః ॥ 81 ॥
గుహ్యాచారరతో గుహ్యో గుహ్యాగమనిరూపితః ।
గుహాశయో గుడాబ్ధిస్థో గురుగమ్యో గురుర్గురుః ॥ 82 ॥
ఘంటాఘర్ఘరికామాలీ ఘటకుంభో ఘటోదరః ।
చండశ్చండేశ్వరసుహృచ్చండీశశ్చండవిక్రమః ॥ 83 ॥
చరాచరపతిశ్చింతా మణిచర్వణలాలసః ।
ఛందశ్ఛందోద్భవశ్ఛందో దుర్లక్ష్యశ్ఛందవిగ్రహః ॥ 84 ॥
జగద్యోనిర్జగత్సాక్షీ జగదీశో జగన్మయః ।
జప్యో జపపరో జాప్యో జిహ్వాసింహాసనప్రభుః ॥ 85 ॥
ఝలజ్ఝలోల్లసద్ధానఝంకారిభ్రమరాకులః ।
టంకారస్ఫారసంరావష్టంకారమణినూపురః ॥ 86 ॥
ఠద్వయీపల్లవాంతఃస్థసర్వమంత్రేక సిద్ధిదః ।
డిండిముండో డాకినీశో డామరో డిండిమప్రియః ॥ 87 ॥
ఢక్కానినాదముదితో ఢౌంకో ఢుంఢివినాయకః ।
తత్త్వానాం పరమం తత్త్వం తత్త్వం పదనిరూపితః ॥ 88 ॥
తారకాంతరసంస్థానస్తారకస్తారకాంతకః ।
స్థాణుః స్థాణుప్రియః స్థాతా స్థావరం జంగమం జగత్ ॥ 89 ॥
దక్షయజ్ఞప్రమథనో దాతా దానవమెహనః ।
దయావాందివ్యవిభవో దండభృద్దండనాయకః ॥ 90 ॥
దంతప్రభిన్నాభ్రమాలో దైత్యవారణదారణః ।
దంష్ట్రాలగ్నద్వీపఘటో దేవార్థనృగజాకృతిః ॥ 91 ॥
ధనధాన్యపతిర్ధన్యో ధనదో ధరణీధరః ।
ధ్యానైకప్రకటో ధ్యేయో ధ్యానం ధ్యానపరాయణః ॥ 92 ॥
నంద్యో నందిప్రియో నాదో నాదమధ్యప్రతిష్ఠితః ।
నిష్కళో నిర్మలో నిత్యో నిత్యానిత్యో నిరామయః
॥ 93 ॥
పరం వ్యోమ పరం ధామ పరమాత్మా పరం పదం ॥ 94 ॥
పరాత్పరః పశుపతిః పశుపాశవిమోచనః ।
పూర్ణానందః పరానందః పురాణపురుషోత్తమః ॥ 95 ॥
పద్మప్రసన్నవదనః ప్రణతాజ్ఞాననాశనః ।
ప్రమాణప్రత్యయాతీతః ప్రణతార్తినివారణః ॥ 96 ॥
ఫణిహస్తః ఫణిపతిః ఫూత్కారః ఫణితప్రియః ।
బాణార్చితాంఘ్రియుగలో బాలకేలికుతూహలీ ।
బ్రహ్మ బ్రహ్మార్చితపదో బ్రహ్మచారీ బృహస్పతిః ॥ 97 ॥
బృహత్తమో బ్రహ్మపరో బ్రహ్మణ్యో బ్రహ్మవిత్ప్రియః ।
బృహన్నాదాగ్ర్యచీత్కారో బ్రహ్మాండావలిమేఖలః ॥ 98 ॥
భ్రూక్షేపదత్తలక్ష్మీకో భర్గో భద్రో భయాపహః ।
భగవాన్ భక్తిసులభో భూతిదో భూతిభూషణః ॥ 99॥
భవ్యో భూతాలయో భోగదాతా భ్రూమధ్యగోచరః ।
మంత్రో మంత్రపతిర్మంత్రీ మదమత్త మనోరమః ॥ 100 ॥
మేఖలావాన్ మందగతిర్మతిమత్కమలేక్షణః ।
మహాబలో మహావీర్యో మహాప్రాణో మహామనాః ॥ 101 ॥
యజ్ఞో యజ్ఞపతిర్యజ్ఞగోప్తా యజ్ఞఫలప్రదః ।
యశస్కరో యోగగమ్యో యాజ్ఞికో యాజకప్రియః ॥ 102 ॥
రసో రసప్రియో రస్యో రంజకో రావణార్చితః ।
రాక్షోరక్షాకరో రత్నగర్భో రాజ్యసుఖప్రదః ॥ 103 ॥
లక్షం లక్షప్రదో లక్ష్యో లయస్థో లడ్డుకప్రియః ।
లాసప్రియో లాస్యపరో లాభకృల్లోకవిశ్రుతః ॥ 104 ॥
వరేణ్యో వహ్నివదనో వంద్యో వేదాంతగోచరః ।
వికర్తా విశ్వతశ్చక్షుర్విధాతా విశ్వతోముఖః ॥ 105 ॥
వామదేవో విశ్వనేతా వజ్రివజ్రనివారణః ।
విశ్వాబంధనవిష్కంభాధారో విశ్వేశ్వర ప్రభుః ॥ 106 ॥
శబ్దబ్రహ్మ శమప్రాప్యః శంభుశక్తిగణేశ్వరః ।
శాస్తా శిఖాగ్రనిలయః శరణ్యః శిఖరీశ్వరః ॥ 107 ॥
షడృతుకుసుమస్రగ్వీ షడాధారః షడక్షరః ।
సంసారవైద్యః సర్వజ్ఞః సర్వభేషజభేషజం ॥ 108 ॥
సృష్టిస్థితిలయక్రీడః సురకుంజరభేదనః ।
సిందూరితమహాకుంభః సదసద్భక్తిదాయకః ॥ 109 ॥
సాక్షీ సముద్రమథనః స్వయంవేద్యః స్వదక్షిణః ।
స్వతంత్రః సత్యసంకల్పః సామగానరతః సుఖీ ॥110 ॥
హంసో హస్తిపిశాచీశో హవనం హవ్యకవ్యభుక్ ।
హవ్యం హుతప్రియో హర్షో హృల్లేఖామంత్రమధ్యగః ॥ 111 ॥
క్షేత్రాధిపః క్షమాభర్తా క్షమాక్షమపరాయణః ।
క్షిప్రక్షేమకరః క్షేమానందః క్షోణీసురద్రుమః ॥ 112 ॥
ధర్మప్రదోర్థదః కామదాతా సౌభాగ్యవర్ధనః ।
విద్యాప్రదో విభవదో భుక్తిముక్తిఫలప్రదః ॥ 113 ॥
ఆభిరూప్యకరో వీరశ్రీప్రదో విజయప్రదః ।
సర్వవశ్యకరో గర్భదోషహా పుత్రపౌత్రదః ॥ 114 ॥
మేధాదః కీర్తిదః శోకహారీ దౌర్భాగ్యనాశనః ।
ప్రతివాదిముఖస్తంభో రుష్టచిత్తప్రసాదనః ॥ 115 ॥
పరాభిచారశమనో దుఃఖహా బంధమోక్షదః ।
లవస్త్రుటిః కలా కాష్ఠా నిమేషస్తత్పరక్షణః ॥ 116 ॥
ఘటీ ముహూర్తః ప్రహరో దివా నక్తమహర్నిశమ్ ।
పక్షో మాసర్త్వయనాబ్దయుగం కల్పో మహాలయః ॥ 117 ॥
రాశిస్తారా తిథిర్యోగో వారః కరణమంశకమ్ ।
లగ్నం హోరా కాలచక్రం మేరుః సప్తర్షయో ధ్రువః ॥ 118 ॥
రాహుర్మందః కవిర్జీవో బుధో భౌమః శశీ రవిః ।
కాలః సృష్టిః స్థితిర్విశ్వం స్థావరం జంగమం జగత్ ॥ 119 ॥
భూరాపోగ్నిర్మరుద్వ్యోమాహంకృతిః ప్రకృతిః పుమాన్ ।
బ్రహ్మా విష్ణుః శివో రుద్ర ఈశః శక్తిః సదాశివః ॥ 120 ॥
త్రిదశాః పితరః సిద్ధా యక్షా రక్షాంసి కిన్నరాః ।
సిద్ధవిద్యాధరా భూతా మనుష్యాః పశవః ఖగాః ॥ 121 ॥
సముద్రాః సరితః శైలా భూతం భవ్యం భవోద్భవః ।
సాంఖ్యం పాతంజలం యోగం పురాణాని శ్రుతిః స్మృతిః ॥ 122 ॥
వేదాంగాని సదాచారో మీమాంసా న్యాయవిస్తరః ।
ఆయుర్వేదో ధనుర్వేదో గాంధర్వం కావ్యనాటకం ॥ 123 ॥
వైఖానసం భాగవతం సాత్వతం పాంచరాత్రకమ్ ।
శైవం పాశుపతం కాలాముఖం భైరవశాసనం ॥ 124 ॥
శాక్తం వైనాయకం సౌరం జైనమార్హతసంహితా ।
సదసద్వ్యక్తమవ్యక్తం సచేతనమచేతనం ॥ 125 ॥
బంధో మోక్షః సుఖం భోగో యోగః సత్యమణుర్మహాన్ ।
స్వస్తి హుంఫట్ స్వధా స్వాహా శ్రౌషట్ వౌషట్ వషణ్ నమః ॥ 126 ॥
జ్ఞానం విజ్ఞానమానందో బోధః సంవిచ్చమె యమః ।
ఏక ఏకాక్షరాధార ఏకాక్షరపరాయణః ॥ 127 ॥
ఏకాగ్రధీరేకవీర ఏకానేకస్వరూపధృక్ ।
ద్విరూపో ద్విభుజో ద్వ్యక్షో ద్విరదో ద్వీపరక్షకః ॥ 128 ॥
ద్వైమాతురో ద్వివదనో ద్వంద్వహీనో ద్వయాతిగః ।
త్రిధామా త్రికరస్త్రేతా త్రివర్గఫలదాయకః ॥ 129 ॥
త్రిగుణాత్మా త్రిలోకాదిస్త్రిశక్తీశస్త్రిలోచనః ।
చతుర్బాహుశ్చతుర్దంతశ్చతురాత్మా చతుర్భుజః ॥ 130 ॥
చతుర్విధోపాయమయశ్చతుర్వర్ణాశ్రమాశ్రయః ।
చతుర్విధవచోవృత్తిపరివృత్తిప్రవర్తకః ॥ 131 ॥
చతుర్థీపూజనప్రీతశ్చతుర్థీతిథిసంభవః ॥
పంచాక్షరాత్మా పంచాత్మా పంచాస్యః పంచకృత్తమః ॥ 132 ॥
పంచాధారః పంచవర్ణః పంచాక్షరపరాయణః ।
పంచతాలః పంచకరః పంచప్రణవమాతృకః ॥ 133 ॥
పంచబ్రహ్మమయస్ఫూర్తిః పంచావరణవారితః ।
పంచభక్షప్రియః పంచబాణః పంచశిఖాత్మకః ॥ 134 ॥
షట్కోణపీఠః షట్చక్రధామా షడ్గ్రంథిభేదకః ।
షడంగధ్వాంతవిధ్వంసీ షడంగులమహాహ్రదః ॥ 135 ॥
షణ్ముఖః షణ్ముఖభ్రాతా షట్శక్తిపరివారితః ।
షడ్వైరివర్గవిధ్వంసీ షడూర్మిభయభంజనః ॥ 136 ॥
షట్తర్కదూరః షట్కర్మనిరతః షడ్రసాశ్రయః ।
సప్తపాతాలచరణః సప్తద్వీపోరుమండలః ॥ 137 ॥
సప్తస్వర్లోకముకుటః సప్తసప్తివరప్రదః ।
సప్తాంగరాజ్యసుఖదః సప్తర్షిగణవందితః ॥ 138 ॥
సప్తచ్ఛందోనిధిః సప్తహోత్రః సప్తస్వరాశ్రయః ।
సప్తాబ్ధికేలికాసారః సప్తమాతృనిషేవితః ॥139॥
సప్తచ్ఛందో మోదమదః సప్తచ్ఛందో మఖప్రభుః ।
అష్టమూర్తిర్ధ్యేయమూర్తిరష్టప్రకృతికారణం ॥ 140 ॥
అష్టాంగయోగఫలభూరష్టపత్రాంబుజాసనః ।
అష్టశక్తిసమానశ్రీరష్టైశ్వర్యప్రదాయకః ॥ 141 ॥
అష్టపీఠోపపీఠశ్రీరష్టమాతృసమావృతః ।
అష్టభైరవసేవ్యోష్టవసువంద్యో ష్టమూర్తిభృత్ ॥ 142 ॥
అష్టచక్రస్ఫురన్మూర్తిరష్టద్రవ్యహవిఃప్రియః ।
నవనాగాసనాధ్యాసీ నవనిధ్యనుశాసితః॥ 143 ॥
నవద్వారపురావృత్తో నవద్వారనికేతనః ।
నవనారాయణస్తుత్యో నవదుర్గానిషేవితః ॥ 144 ॥
నవనాథమహానాథో నవనాగవిభూషణః |
నవరత్నవిచిత్రాంగో నవశక్తిశిరోద్ధృతః ॥ 145 ॥
దశాత్మకో దశభుజో దశదిక్పతివందితః ।
దశాధ్యాయో దశప్రాణో దశేంద్రియనియామకః ॥ 146 ॥
దశాక్షరమహామంత్రో దశాశావ్యాపివిగ్రహః ।
ఏకాదశాదిభీ రుద్రైఃస్తుత ఏకాదశాక్షరః ॥ 147 ॥
ద్వాదశోద్దండదోర్దండో ద్వాదశాంతనికేతనః ।
త్రయోదశభిదాభిన్నో విశ్వేదేవాధిదైవతం ॥ 148 ॥
చతుర్దశేంద్రవరదశ్చతుర్దశమనుప్రభుః ।
చతుర్దశాద్యవిద్యాఢ్యశ్చతుర్దశజగత్ప్రభుః ॥ 149 ॥
సామపంచదశః పంచదశీశీతాంశునిర్మలః ।
షోడశాధారనిలయః షోడశస్వరమాతృకః ॥ 150 ॥
షోడశాంతపదావాసః షోడశేందుకళాత్మకః ।
కళాసప్తదశీ సప్తదశః సప్తదశాక్షరః ॥ 151 ॥
అష్టాదశద్వీపపతిరష్టాదశపురాణకృత్ |
అష్టాదశౌషధీసృష్టిరష్టాదశవిధిః స్మృతః ॥ 152 ॥
అష్టాదశలిపివ్యష్టిసమష్టిజ్ఞానకోవిదః |
ఏకవింశః పుమానేకవింశత్యంగులిపల్లవః ॥ 153 ॥
చతుర్వింశతితత్త్వాత్మా పంచవింశాఖ్యపూరుషః ।
సప్తవింశతితారేశః సప్తవింశతియోగకృత్ ॥ 154 ॥
ద్వాత్రింశద్భైరవాధీశశ్చతుస్త్రింశన్మహాహ్రదః ।
షట్త్రింశత్తత్త్వసంభూతిరష్టత్రింశత్కళాతనుః ॥ 155 ॥
నమదేకోనపంచాశన్మరుద్వర్గనిరర్గళః
పంచాశదక్షరశ్రేణీపంచాశద్రుద్రవిగ్రహః ॥ 156 ॥
పంచాశద్విష్ణుశక్తీశః పంచాశన్మాతృకాలయః ।
ద్విపంచాశద్వపుఃశ్రేణీత్రిషష్ట్యక్షరసంశ్రయః ॥ 157 ॥
చతుఃషష్ట్యర్థనిర్ణేతా చతుఃషష్టికళానిధిః ।
చతుఃషష్టిమహాసిద్ధియోగినీవృందవందితః ॥ 158 ॥
అష్టషష్టిమహాతీర్థక్షేత్రభైరవ భావనః
చతుర్నవతిమంత్రాత్మా షణ్ణవత్యధికప్రభుః ॥ 159॥
శతానందః శతధృతిః శతపత్రాయతేక్షణః
శతానీకః శతమఖః శతధారావరాయుధః ॥ 160 ॥
సహస్రపత్రనిలయః సహస్రఫణిభూషణః |
సహస్రశీర్షా పురుషః సహస్రాక్షః సహస్రపాత్ ॥ 161 ॥
సహస్రనామసంస్తుత్యః సహస్రాక్షబలాపహః |
దశసాహస్రఫణిభృత్ఫణిరాజకృతాసనః ॥ 162 ॥
అష్టాశీతిసహస్రాద్యమహర్షిస్తోత్ర యంత్రితః
లక్షా దీశ ప్రియాధారో లక్షాధారమనోమయః ॥ 163 ॥
చతుర్లక్షజపప్రీతశ్చతుర్లక్షప్రకాశకః |
చతురశీతిలక్షాణాం జీవానాం దేహసంస్థితః ॥ 164 ॥
కోటిసూర్యప్రతీకాశః కోటిచంద్రాంశునిర్మలః |
శివోద్భవాద్యష్టకోటివైనాయకధురంధరః ॥ 165 ॥
సప్తకోటిమహామంత్రమంత్రితావయవద్యుతిః |
త్రయస్త్రింశత్కోటిసురశ్రేణీప్రణతపాదుకః ॥ 166 ॥
అనంతనామానంతశ్రీరనంతోనంతసౌఖ్యదః ।
ఇతి వైనాయకం నామ్నాం సహస్రమిదమీరితమ్ ॥ 167 ॥
ఇదం బ్రాహ్మే ముహూర్తే పై యః పఠేత్ప్రత్యహం నరః
కరస్థం తస్య సకలమైహికాముష్మికం సుఖమ్ ॥ 168 ॥
ఆయురారోగ్యమైశ్వర్యం ధైర్యం శౌర్యం బలం యశః
మేధా ప్రజ్ఞా ధృతిః కాంతిః సౌభాగ్యమభిరూపతా ॥ 169 ॥
సత్యం దయా క్షమా శాంతిర్దాక్షిణ్యం ధర్మశీలతా
జగత్సంవననం విశ్వసంవాదో వేదపాటవమ్ ॥ 170 ॥
సభాపాండిత్యమౌదార్యం గాంభీర్యం బ్రహ్మవర్చసం
ఔన్నత్యం చ కులం శీలం ప్రతాపో వీర్యమార్యతా ॥ 171 ॥
జ్ఞానం విజ్ఞానమాస్తిక్యం స్థైర్యం విశ్వాతిశాయితా |
ధనధాన్యాదివృద్ధిశ్చ సకృదస్య జపాద్భవేత్ । ॥ 172 ॥
వశ్యం చతుర్విధం విశ్వం జపాదస్య ప్రజాయతే |
రాజ్ఞో రాజకలత్రస్య రాజపుత్రస్య మంత్రిణః ॥ 173 ॥
జప్యతే యస్య వశ్యార్థే స దాసస్తస్య జాయతే |
ధర్మార్థకామమోక్షాణామనాయాసేన సాధనమ్ ॥ 174 ॥
శాకినీడాకినీరక్షోయక్షగ్రహభయాపహం |
సామ్రాజ్యసుఖదం చైవ సమస్తరిపు మర్దనమ్ ॥ 175 ॥
సమస్తకలహధ్వంసి దగ్ధబీజప్రరోహణం |
దుఃఖప్రశమనం క్రుద్ధస్వామిచిత్తప్రసాదనమ్ ॥ 176 ॥
షడ్వర్గాష్టమహాసిద్ధిత్రికాలజ్ఞాన సాధనమ్ |
పరకృత్యప్రశమనం పరచక్రప్రమర్దనమ్ ॥ 177 ॥
సంగ్రామరంగే సర్వేషామిదమేకం జయావహం
సర్వవంధ్యాత్వదోషఘ్నం గర్భరక్షైకకారణమ్ । ॥ 178 ॥
పఠ్యతే ప్రత్యహం యత్ర స్తోత్రం గణపతేరిదం
దేశే తత్ర న దుర్భిక్షమీతయో దురితాని చ ॥ 179 ॥
న తద్గేహం జహాతి శ్రీర్యత్రాయం జప్యతే స్తవః
క్షయకుష్ఠప్రమేహార్శభగందరవిషూచికాః ॥ 180 ॥
గుల్మం ప్లీహానమశమానమతిసారం మహోదరం |
కాసం శ్వాసముదావర్తం శూలశోకాదిసంభవమ్ ॥ 181 ॥
శిరోరోగం వమిం హిక్కాం గండమాలామరోచకం
వాతపిత్తకఫద్వంద్వత్రిదోషజనితజ్వరమ్ ॥ 182 ॥
ఆగంతువిషమం శీతముష్ణం చైకాహికాదికం
ఇత్యాద్యుక్తమనుక్తం వా రోగదోషాదిసంభవమ్ ॥ 183 ॥
సర్వం ప్రశమయత్యాశు స్తోత్రస్యాస్య సకృజ్జపః
ప్రాప్యతేస్య జపాత్సిద్ధిః స్త్రీశూద్రైః పతితైరపి ॥ 184 ॥
సహస్రనామమంత్రోఽయం జపితవ్యః శుభాప్తయే
మహాగణపతేః స్తోత్రం సకామః ప్రజపన్నిదమ్ ॥ 185 ॥
ఇచ్ఛయా సకలాన్ భోగానుపభుజ్యేహ పార్థివాన్
మనోరథఫలైర్దివ్యైర్వ్యోమయానైర్మనోరమైః ॥ 186 ॥
చంద్రేంద్రభాస్కరోపేంద్రబ్రహ్మశర్వాదిసద్మసు
కామరూపః కామగతిః కామదః కామదేశ్వరః ॥ 187 ॥
భుక్త్వా యథేప్సితాన్భోగానభీష్టైః సహ బంధుభిః
గణేశానుచరో భూత్వా గణో గణపతిప్రియః ॥ 188 ॥
నందీశ్వరాదిసానందైర్నందితః సకలైర్గణైః
శివాభ్యాం కృపయా పుత్రనిర్విశేషం చ లాలితః ॥ 189 ॥
శివభక్తః పూర్ణకామో గణేశ్వరవరాత్పునః
జాతిస్మరో ధర్మపరః సార్వభౌమోభిజాయతే ॥ 190 ॥
నిష్కామస్తు జపన్నిత్యం భక్త్యా విఘ్నేశతత్పరః
యోగసిద్ధిం పరాం ప్రాప్య జ్ఞానవైరాగ్యసంయుతః ॥ 191 ॥
నిరంతరే నిరాబాధే పరమానందసంజ్ఞితే
విశ్వోత్తీర్ణే పరే పూర్ణే పునరావృత్తివర్జితే ॥ 192 ॥
లీనో వైనాయకే ధామ్ని రమతే నిత్యనిర్వృతే
యో నామభిర్హుతైర్దత్తైః పూజయేదర్చయేఏన్నరః
॥ 193 ॥
రాజానో వశ్యతాం యాంతి రిపవో యాంతి దాసతాం |
మంత్రాః సిద్ద్యంతి సర్వేపి సులభాస్తస్యసిద్ధయః ॥ 194 ॥
మూలమంత్రాదపి స్తోత్రమిదం ప్రియతమం మమ
నభస్యే మాసి శుక్లాయాం చతుర్థ్యాం మమ జన్మని ॥ 195 ॥
దూర్వాభిర్నామభిః పూజాం తర్పణం విధివచ్చరేత్
అష్టద్రవ్యైర్విశేషేణ జహుయాద్భక్తిసుసంయుతః ॥ 196 ॥
తస్యేప్సితాని సర్వాణి సిద్ధ్యంత్యత్ర న సంశయః |
ఇదం ప్రజపితం పఠితం శ్రావితం శ్రుతం ॥ 197 ॥
వ్యాకృతం చర్చితం ధ్యాతం విమృష్టమభివందితమ్ ।
ఇహాముత్ర చ విశ్వేషాం విశ్వైశ్వర్యప్రదాయకం ॥ 198 ॥
స్వచ్ఛందచారిణాప్యేష యేన సంధార్యతే స్తవః ।
స రక్ష్యతే శివోద్భూతైర్గణైరధ్యష్టకోటిభిః ॥ 199॥
పుస్తకే లిఖితం యత్ర గృహే స్తోత్రం ప్రపూజయేత్ ।
తత్ర సర్వోత్తమా లక్ష్మీః సన్నిధత్తే నిరంతరం ॥ 200 ॥
దానైరశేషైరఖిలైర్వ్రతైశ్చ తీర్థైరశేషైరఖిలైర్మఖైశ్చ ।
న తత్ఫలం విందతి యద్గణేశసహస్రనామస్మరణేన సద్యః ॥ 201 ॥
ఏతన్నామ్నాం సహస్రం పఠతి దినమణౌ ప్రత్యహంప్రోజ్జిహానే
సాయం మధ్యందినే వా త్రిషవణమథవా సంతతం వా జనో యః ।
స స్యాదైశ్వర్యధుర్యః ప్రభవతి వచసాం కీర్తిముచ్చైస్తనోతి
ప్రత్యూహం హంతి విశ్వం వశయతి సుచిరం వర్ధతే పుత్రపౌత్రైః ॥ 202 ॥
అకించనోపి మత్ప్రాప్తిచింతకో
నియతాశనః ।
జపేత్తు చతురో మాసాన్ గణేశార్చనతత్పరః ॥ 203 ॥
దరిద్రతాం సమున్మూల్య సప్తజన్మానుగామపి ।
లభతే మహతీం లక్ష్మీమిత్యాజ్ఞా పారమేశ్వరీ ॥ 204 ॥
ఆయుష్యం వీతరోగం కులమతివిమలం సంపదశ్చార్తదానాః
కీర్తిర్నిత్యావదాతా భణితిరభి నవా కాంతిరవ్యాజభవ్యా ।
పుత్రాః సంతః కలత్రం గుణవదభిమతం యద్యదేతచ్చ సత్యం
న్నిత్యం యః స్తోత్రమేతత్ పఠతి గణపతేస్తస్య హస్తే సమస్తం ॥ 205 ॥
గణంజయో గణపతిర్హేరంబో ధరణీధరః ।
మహాగణపతిర్బుద్ధిప్రియః క్షిప్రప్రసాదనః ॥ 206 ॥
అమోఘసిద్ధిరమృతమంత్రశ్చింతామణిర్నిధిః ।
సుమంగ ళో బీజమాశాపూరకో వరదః కలః ॥ 207 ॥
కాశ్యపో నందనో వాచాసిద్ధో ఢుంఢిర్వినాయకః ।
మోదకైరేభిరత్రైకవింశత్యా నామభిః పుమాన్ ॥ 208 ॥
యః స్తౌతి మద్గతమనా మమారాధనతత్పరః ।
స్తుతో నామ్నా సహస్రేణ తేనాహం నాత్ర సంశయః ॥ 209 ॥
నమో నమః సురవరపూజితాంఘ్రయే
నమో నమో నిరుపమమంగళాత్మనే ।
నమో నమో విపులదయైకసిద్ధయే
నమో నమః కరికలభాననాయ తే ॥ 210 ॥
కింకిణీగణరణితస్తవచరణః
ప్రకటితగురుమతిచరితవిశేషః ।
మదజలలహరీకలితకపోలః
శమయతు దురితం గణపతిదేవః ॥ 211 ॥
॥ ఇతి శ్రీగణేశపురాణే
ఉపాసనాఖండే ఈశ్వరగణేశసంవాదే
గణేశసహస్రనామస్తోత్రం
నామ షట్చత్వారింశోధ్యాయః ॥
0 Comments