Aditya Kavacham - ఆదిత్య కవచం
 |
| Aditya Kavacham - ఆదిత్య కవచం |
అస్య శ్రీ ఆదిత్యకవచస్తోత్రమహామంత్రస్య అగస్త్యో భగవానృషిః అనుష్టుప్ఛందః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్యప్రసాదసిద్ధ్యర్థే జపే వినియోగః ।
ధ్యానం
జపాకుసుమసంకాశం ద్విభుజం పద్మహస్తకం
సిందూరాంబరమాల్యం చ రక్తగంధానులేపనమ్।
మాణిక్యరత్నఖచిత-సర్వాభరణభూషితం
సప్తాశ్వరథవాహం తు మేరుం చైవ ప్రదక్షిణమ్ ॥
దేవాసురవరైర్వంద్యం ఘృణిభిః పరిసేవితమ్ ।
ధ్యాయేత్పఠేత్సువర్ణాభం సూర్యస్య కవచం ముదా ॥
కవచం
ఘృణిః పాతు శిరోదేశే సూర్యః పాతు లలాటకమ్ ।
ఆదిత్యో లోచనే పాతు శ్రుతీ పాతు దివాకరః ॥
ఘ్రాణం పాతు సదా భానుః ముఖం పాతు సదారవిః ।
జిహ్వాం పాతు జగన్నేత్రః కంఠం పాతు విభావసుః ॥
స్కంధౌ గ్రహపతిః పాతు భుజౌ పాతు ప్రభాకరః ।
కరావబ్జకరః పాతు హృదయం పాతు నభోమణిః ॥
ద్వాదశాత్మా కటిం పాతు సవితా పాతు సక్థినీ ।
ఊరూ పాతు సురశ్రేష్టో జానునీ పాతు భాస్కరః ॥
జంఘే మే పాతు మార్తాండో గుల్ఫౌ పాతు త్విషాంపతిః।
పాదౌ దినమణిః పాతు పాతు మిత్రోఖిలం వపుః ॥
ఆదిత్యకవచం పుణ్యమభేద్యం వజ్రసన్నిభమ్ ।
సర్వరోగభయాదిభ్యో ముచ్యతే నాత్ర సంశయః ॥
సంవత్సరముపాసిత్వా సామ్రాజ్యపదవీం లభేత్ ।
అశేషరోగశాంత్యర్థం ధ్యాయేదాదిత్యమండలమ్ ।
ఆదిత్య మండల స్తుతిః –
అనేకరత్నసంయుక్తం స్వర్ణమాణిక్యభూషణమ్ ।
కల్పవృక్షసమాకీర్ణం కదంబకుసుమప్రియమ్ ॥
సిందూరవర్ణాయ సుమండలాయ
సువర్ణరత్నాభరణాయ తుభ్యమ్ ।
పద్మాదినేత్రే చ సుపంకజాయ
బ్రహ్మేంద్ర-నారాయణ-శంకరాయ ॥
సంరక్తచూర్ణం ససువర్ణతోయం
సకుంకుమాభం సకుశం సపుష్పమ్ ।
ప్రదత్తమాదాయ చ హేమపాత్రే
ప్రశస్తనాదం భగవన్ ప్రసీద ॥
ఇతి ఆదిత్య కవచమ్
సూర్య మండల స్తోత్రం
0 Comments