Apaduddharaka Hanuman Stotram - శ్రీ ఆపదుద్ధారక హనుమత్ స్తోత్రం
Apaduddharaka Hanuman Stotram - శ్రీ ఆపదుద్ధారక హనుమత్ స్తోత్రం
ఓం అస్య శ్రీ ఆపదుద్ధారక హనుమత్ స్తోత్ర మహామంత్ర కవచస్య, విభీషణ ఋషిః, హనుమాన్
దేవతా, సర్వాపదుద్ధారక శ్రీహనుమత్ప్రసాదేన మమ
సర్వాపన్నివృత్త్యర్థే, సర్వకార్యానుకూల్య సిద్ధ్యర్థే జపే
వినియోగః ।
ధ్యానమ్ ।
వామే కరే వైరిభిదం వహన్తం
శైలం పరే శృంఖలహారిటంకమ్ ।
దధానమచ్ఛచ్ఛవియజ్ఞసూత్రం
భజే జ్వలత్కుండలమాంజనేయమ్ ॥ 1 ॥
సంవీతకౌపీన ముదంచితాంగుళిం
సముజ్జ్వలన్మౌంజిమథోపవీతినమ్ ।
సకుండలం లంబిశిఖాసమావృతం
తమాంజనేయం శరణం ప్రపద్యే ॥ 2 ॥
ఆపన్నాఖిలలోకార్తిహారిణే శ్రీహనూమతే ।
అకస్మాదాగతోత్పాత నాశనాయ నమో నమః ॥ 3 ॥
సీతావియుక్తశ్రీరామశోకదుఃఖభయాపహ ।
తాపత్రితయసంహారిన్ ఆంజనేయ నమోస్తు తే ॥ 4 ॥
ఆధివ్యాధి మహామారీ గ్రహపీడాపహారిణే ।
ప్రాణాపహర్త్రేదైత్యానాం రామప్రాణాత్మనే నమః ॥ 5 ॥
సంసారసాగరావర్త కర్తవ్యభ్రాంతచేతసామ్ ।
శరణాగతమర్త్యానాం శరణ్యాయ నమోస్తు తే ॥ 6 ॥
వజ్రదేహాయ కాలాగ్నిరుద్రాయా మితతేజసే ।
బ్రహ్మాస్త్రస్తంభనాయాస్మై నమః శ్రీరుద్రమూర్తయే ॥ 7 ॥
రామేష్టం కరుణాపూర్ణం హనూమంతం భయాపహమ్ ।
శత్రునాశకరం భీమం సర్వాభీష్టప్రదాయకమ్ ॥ 8 ॥
కారాగృహే ప్రయాణే వా సంగ్రామే శత్రుసంకటే ।
జలే స్థలే తథా కాశే వాహనేషు చతుష్పథే ॥ 9 ॥
గజసింహ మహావ్యాఘ్ర చోర భీషణ కాననే ।
యే స్మరంతి హనూమంతం తేషాం నాస్తి విపత్ క్వచిత్ ॥ 10 ॥
సర్వవానరముఖ్యానాం ప్రాణభూతాత్మనే నమః ।
శరణ్యాయ వరేణ్యాయ వాయుపుత్రాయ తే నమః ॥ 11 ॥
ప్రదోషే వా ప్రభాతే వా యే స్మరంత్యంజనాసుతమ్ ।
అర్థసిద్ధిం జయం కీర్తిం ప్రాప్నువంతి న సంశయః ॥ 12 ॥
జప్త్వా స్తోత్రమిదం మంత్రం ప్రతివారం పఠేన్నరః ।
రాజస్థానే సభాస్థానే ప్రాప్తే వాదే లభేజ్జయమ్ ॥ 13 ॥
విభీషణకృతం స్తోత్రం యః పఠేత్ ప్రయతో నరః ।
సర్వాపద్భ్యో విముచ్యేత నాత్ర కార్యా విచారణా ॥ 14 ॥
మంత్రః ।
మర్కటేశ మహోత్సాహ సర్వశోకనివారక ।
శత్రూన్ సంహర మాం రక్ష శ్రియం దాపయ భో హరే ॥ 15 ॥
ఇతి విభీషణకృతం సర్వాపదుద్ధారక శ్రీహనుమత్ స్తోత్రమ్ ॥
0 Comments