Shiva Manasa Pooja Stotram - శివ మానస పూజ స్తోత్రం

 Shiva Manasa Pooja Stotram- శివ మానస పూజ స్తోత్రం

Shiva Manasa Pooja Stotram- శివ మానస పూజ స్తోత్రం

రత్నైః కల్పిత మాసనం హిమజలైః స్నానం చ దివ్యాంబరం

నానారత్న విభూషితం మృగ మదా మోదాంకితం చందనమ్ ।

జాతీ చంపక బిల్వపత్ర రచితం పుష్పం చ ధూపం తథా

దీపం దేవ దయానిధే పశుపతే హృత్కల్పితం గృహ్యతామ్ ॥ 1 ॥

సౌవర్ణే నవరత్నఖండ రచితే పాత్రే ఘృతం పాయసం

భక్ష్యం పంచవిధం పయోదధియుతం రంభాఫలం పానకమ్ ।

శాకానామయుతం జలం రుచికరం కర్పూర ఖండోజ్జ్చలం

తాంబూలం మనసా మయా విరచితం భక్త్యా ప్రభో స్వీకురు ॥ 2 ॥

ఛత్రం చామరయోర్యుగం వ్యజనకం చాదర్శకం నిర్మలం

వీణా భేరి మృదంగ కాహలకలా గీతం చ నృత్యం తథా ।

సాష్టాంగం ప్రణతిః స్తుతి ర్బహువిధా హ్యేతత్సమస్తం మయా

సంకల్పేన సమర్పితం తవ విభో పూజాం గృహాణ ప్రభో ॥ 3 ॥

ఆత్మా త్వం గిరిజా మతిః సహచరాః ప్రాణాః శరీరం గృహం

పూజా తే విషయోప భోగరచనా నిద్రా సమాధిస్థితిః ।

సంచారః పదయోః ప్రదక్షిణవిధిః స్తోత్రాణి సర్వాంగిరో

యద్యత్కర్మ కరోమి తత్తదఖిలం శంభో తవారాధనమ్ ॥ 4 ॥

కర చరణ కృతం వాక్కాయజం కర్మజం వా

శ్రవణ నయనజం వా మానసం వాపరాధమ్ ।

విహిత మవిహితం వా సర్వమేతత్-క్షమస్వ

శివ శివ కరుణాబ్ధే శ్రీ మహాదేవ శంభో ॥ 5 ॥

ఇతి శ్రీ మచ్చంకరాచార్య విరచితం

ఫలం : ఇది ఒక్కసారి పఠిస్తే - శివుణ్ణి లఘున్యాస సమహన్యాసాలతో పూజించిన ఫలితం లభిస్తుంది. ప్రతిరోజ్య్ రెండుపూటలా పఠిస్తే - శివుణ్ణి - నమక చమకాలతో సహా అభిషెకించిన పుణ్యం లభిస్తుంది

కాలభైరవాష్టకం